వలస వాసులు కాలినడక ప్రయాణాలు చేయవద్దు :వింజమూరు ఎస్.ఐ బాజిరెడ్డి

వలస వాసులు కాలినడక ప్రయాణాలు చేయవద్దు :వింజమూరు ఎస్.ఐ బాజిరెడ్డి


వింజమూరు, ఏప్రిల్ 30 (అంతిమ తీర్పు-దయాకర్ రెడ్డి): వలస వాసులు ప్రస్తుత లాక్ డౌన్ సమయంలో వారి వారి ప్రాంతాలకు చేరుకునేందుకు ఎట్టి పరిస్థితులలోనూ కాలినడకన ప్రయాణాలు చేయవద్దని వింజమూరు ఎస్.ఐ బాజిరెడ్డి విజ్ఞప్తి చేశారు. సూదూర ప్రాంతాల నుండి పొట్ట చేతపట్టుకుని కూలీ పనులకు వచ్చిన వారి సమాచారమును సేకరించి ప్రత్యామ్నాయ ఏర్పాట్లుకు శ్రీకారం చుట్టనున్నామన్నారు. గురువారం సాయంత్రం వింజమూరు మండలంలోని చంద్రపడియ గ్రామం నుండి తూర్పు గోదావరి జిల్లా పెద్దాపురంకు కాలినడకన బయలుదేరిన 6 మందిని పోలీసులు గుర్తించి వారిని తహసిల్ధారు కార్యాలయం వద్దకు తరలించారు. వీళ్ళు గత 3 నెలల క్రితం చంద్రపడియ గ్రామంలో రామాలయం నిర్మాణానికి కూలీలుగా రావడం జరిగింది. ఉగాది నాటికి పనులు పూర్తయినా అప్పటికే కరోనా వైరస్ నేపధ్యంలో లాక్ డౌన్ విధించడంతో ఈ కూలీలు అక్కడే చిక్కుకుపోయారు. నిన్న మొన్నటి వరకు చంద్రపడియ గ్రామంలోనే ఉంటున్న కూలీలు చివరికి గత్యంతరం లేని పరిస్థితులలో కాలినడకన పెద్దాపురంకు బయలుదేరారు. బుక్కాపురం రోడ్డు మార్గాన వెళుతున్న కూలీలను గుర్తించిన స్థానికులు ఎస్.ఐ బాజిరెడ్డికి సమాచారం అందించడంతో వెంటనే స్పందించిన ఆయన కాలినడకన వెళుతున్న కూలీలకు నచ్చజెప్పి వింజమూరు మండల కేంద్రానికి తరలించారు. ఈ సందర్భంగా ఎస్.ఐ వారికి కౌన్సిలింగ్ నిర్వహించి ఈ ఎండలలో కాలినడక అత్యంత ప్రమాదకరమని ప్రత్యామ్నాయ ఏర్పాట్లు చేస్తామని తెలిపారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image