జర్నలిస్టులు విధులలో అప్రమత్తంగా ఉండండి : వింజమూరు యం.పి.డి.ఓ.

*జర్నలిస్టులు విధులలో అప్రమత్తంగా ఉండండి :వింజమూరు యం.పి.డి.ఓ


.వింజమూరు, ఏప్రిల్ 21 (అంతిమ తీర్పు-దయాకర్ రెడ్డి): ప్రస్తుతం కరోనా వైరస్ వ్యాప్తి చెందుతున్న తరుణంలో విధి నిర్వహణలో ఉన్న జర్నలిస్టులు అప్రమత్తంగా ఉండాలని వింజమూరు యం.పి.డి.ఓ ఎస్.కనకదుర్గా భవానీ కోరారు. కోవిడ్-19 నియంత్రణ చర్యలలో భాగంగా ప్రభుత్వాలు లాక్ డౌన్ ప్రకటించి నేటికి నెల రోజులు పూర్తవుతుందన్నారు. ఈ రోజులన్నింటిలో కూడా సమాచార వ్యవస్థను పెంపొందించేందుకు జర్నలిస్టులు చేసిన కృషి అభినందనీయమన్నారు. కరోనా నివారణకు గానూ జర్నలిస్టులు తమ వంతు భాధ్యతలను నిర్వహిస్తూ అధికారులకు చేదోడు వాదోడుగా నిలుస్తూ ప్రభుత్వానికి, ప్రజలకు మధ్య వారధిగా పనిచేస్తూ విశేష సేవలు అందిస్తున్నారని కొనియాడారు. జర్నలిస్టుల శ్రేయస్సు కోరుతూ ఇప్పటికే వారికి మాస్కులు, శానిటైజర్లు, గ్లౌజులు, వాటర్ బాటిళ్ళు అందజేస్తున్నామన్నారు. వార్తల సేకరణలో పోటీతత్వం ఉండటం సహజమేనని, అయితే ఈ కరోనా వైరస్ సమయంలో ఏ ప్రాంతాలకు వెళ్ళినా తప్పనిసరిగా మాస్కులు, గ్లౌజులు, శానిటైజర్లను వినియోగించడం విధిగా భావించాలన్నారు. నిరంతర సేవలలో మునిగితేలుతున్న జర్నలిస్టులకు అవసరమైన మెటీరియల్ అందించేందుకు తాము అన్నివేళలా సిద్ధంగా ఉన్నామన్నారు. వింజమూరు మండలాన్ని గ్రీన్ జోన్ పరిధిలోకి తెచ్చేందుకు కరోనా నియంత్రణ బృందం సభ్యులు అహర్నిశలూ శ్రమించారని, అందులో జర్నలిస్టుల సహకారం కూడా ఉందన్నారు. కనుక మండలంలో పలు ప్రాంతాలలో నిర్వహిస్తున్న సేవా కార్యక్రమాలలో విరివిగా పాల్గొంటున్న విలేకరులు తగు జాగ్రత్తలు వహిస్తూ సమదూరం పాటిస్తూ న్యూస్ కవరేజ్ చేసుకోవాలని సూచించారు. వారి వారి కుటుంబ సభ్యులను దృష్టిలో ఉంచుకుని ద్విచక్ర వాహనాల మీద ప్రయాణం చేసే సమయాలలో సెల్ ఫోన్ వాడకమును తగ్గించుకోవాలన్నారు. అత్యవసర  సమయాలలో వారు ప్రయాణించే వాహనాలను రోడ్డు మీద నుండి మార్జిన్లులోకి దించి నిలిపివేసి సురక్షిత ప్రదేశాలను ఎంచుకుంటూ విధులు నిర్వహించుకోవాల్సిన ఆవశ్యకత ఎంతైనా ఉందన్నారు. సమాజ సేవకులుగా విలేకరులు అందిస్తున్న సేవలు అజరామరమని, ఈ కరోనా మహమ్మారి బారిన పడకుండా అత్యంత జాగ్రత్తలు వహించాలని యం.పి.డి.ఓ విజ్ఞప్తి చేశారు. తమిళనాడు , ముంబై ప్రాంతాలలో పలువురు జర్నలిస్టులు కరోనా బారిన పడటం శోచనీయమని ఆమె ఈ సందర్భంగా ఆవేదన వ్యక్తం చేశారు.


Popular posts
90 సంవత్సరాలు పూర్తి చేసుకున్న నెల్లూరు జిల్లాలో రెండవసారి మహాత్ముని పర్యటన
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
21వ శతాబ్దం మనదే...మోదీ
Image
బాలల దినోత్సవ సందర్భంగా    వాసవి క్లబ్    ఆధ్వర్యంలో.నోట్ బుక్స్ పంపిణీ..
Image
దీప దానం ఎలా చేయాలి* *****, *ఎప్పుడు చేయాలి*