కోడి పందేల స్థావరాలపై ఎస్.ఐ మెరుపు దాడులు - 16 బైకులు, రూ.11,500 నగదు స్వాధీనం - 8 మంది అరెస్ట్.

కోడి పందేల స్థావరాలపై ఎస్.ఐ మెరుపు దాడులు - 16 బైకులు, రూ.11,500 నగదు స్వాధీనం - 8 మంది అరెస్ట్... వింజమూరు, మే 3(అంతిమ తీర్పు - దయాకర్ రెడ్డి): వింజమూరు మండలం కాటేపల్లి పంచాయితీ పరిధిలోని మాధవనగర్ పొలాలలో ఆదివారం మధ్యాహ్నం కోడి పందేల స్థావరాలపై ఎస్.ఐ బాజిరెడ్డి మెరుపు దాడులు నిర్వహించారు. వివరాలలోకి వెళితే మాధవనగర్ పొలాలలో ఆదివారం నాడు పెద్ద ఎత్తున కోడి పందేలు నిర్వహిస్తున్నట్లు ఎస్.ఐ బాజిరెడ్డికి ముందస్తు సమాచారం అందింది. ఈ నేపధ్యంలో ఎస్.ఐ తమ సిబ్బందిని అప్రమత్తం చేశారు. కాటేపల్లి పరిసరాలలో కానిస్టేబుళ్ళను మఫ్టీలో ఉంచి నిఘా ఏర్పాటు చేశారు. వారి నుండి ఎప్పటికప్పుడు వస్తున్న సమాచారంతో కోడి పందేలు జరుగుతున్నాయని నిర్ధారించుకుని ఒక్కసారిగా దాడులు చేశారు. పలువురు తప్పించుకోగా 8 మంది కోడి పందెం రాయుళ్ళను అదుపులోకి తీసుకుని వారి వద్ద నుండి 11 వేల 500 రూపాయల నగదును స్వాధీనం చేసుకున్నారు. అక్కడే ఉన్న 16 ద్విచక్ర వాహనాలను రెండు ట్రాక్టర్లు పిలిపించి పోలీస్ స్టేషన్ కు తరలించారు. ఈ సందర్భంగా ఎస్.ఐ మాట్లాడుతూ మండలంలో ఎక్కడైనా సరే పేకాట, కోడి పందేలు, మద్యం బెల్టు షాపులు వంటి చట్ట వ్యతిరేక కార్యకలాపాలకు పాల్బడితే ఉపేక్షించేది లేదన్నారు.ఇలాంటి వాటిపై తాము ప్రత్యేక నిఘా ఉంచడం జరిగిందన్నారు. మండల ప్రజలందరూ కూడా వీటి నియంత్రణ దిశగా కృషి చేయాలని కోరారు. తన మొబైల్ నెంబరు 9440796375 కు సమాచారం అందించాలని, వారి పేర్లును అత్యంత గోప్యంగా ఉంచుతామన్నారు. ప్రస్తుత లాక్ డౌన్ సమయంలో ప్రజలందరూ కూడా స్వీయ నిర్భంధంలో ఉండి కరోనా వైరస్ ను కట్టడి చేయాల్సిన అవసరముందన్నారు.


Popular posts
తెలుగు భాషను కాపాడుకోవడం మనందరి కర్తవ్యం
జర్నలిస్ట్ మిత్రులకు మేడే శుభాకాంక్షలు.: మాణిక్యరావు కె. రాష్ట్ర ఉపాధ్యక్షులు.. APUWJ...
Image
పాత్రికేయులు చెన్నక్రిష్ణారెడ్డి  నిన్న రాత్రి స్వర్గస్తులైనారు.
పేదలకు ఇళ్ల స్థలాల కేటాయింపు విషయంలో అనవసర నిబంధనలను పక్కన పెడతాం
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image