ప్రకాశం జిల్లాలో ట్రాక్టర్ ప్రమాదంలో మృతులకు రూ.25 లక్షల ఎక్స్ గ్రేషియా ప్రకటించాలి :  వర్ల రామయ్య

వర్ల రామయ్య విలేకరుల సమావేశ వివరాలు –15-5-2020
 ప్రకాశం జిల్లాలో ట్రాక్టర్ ప్రమాదంలో మృతులకు రూ.25 లక్షల ఎక్స్ గ్రేషియా ప్రకటించాలి 
రూ.25 లక్షల ఎక్స్ గ్రేషియా ప్రకటించే వరకూ తెదేపా ఆందోళన చేస్తుంది  
దళిత వర్గానికి చెందిన 9 మంది చనిపోతే ప్రభుత్వం నుంచి సాంత్వన, ధైర్యం చెప్పే దిక్కులేదు
జగన్ రాచరిక పోకడలతో రాష్ట్రంలో ప్రజాస్వామ్యాన్ని కూనీ చేస్తున్నారు 
జగన్ ప్రభుత్వం దళితుల పట్ల కపట ప్రేమ చూపుతోంది 
విశాఖలో గ్యాస్ ప్రమాదంలో స్పందించి కోటి రూపాయల ఎక్స్ గ్రేషియా ఇచ్చిన వైకాపా ప్రభుత్వం దళిత వర్గ కూలీల విషయంలో ఉదాశీనతగా వ్యవహరించడమేమిటి? 
9 మంది దళిత కూలీలు చనిపోతే మంత్రులు అధికారులు ఎందుకు వెళ్ళలేదు 
ప్రభుత్వం నిర్లక్ష వైఖరితో సామూహిక సమాధి చేసుకున్న దుర్భరస్థితి 
నిర్లక్షంగా వ్యవహరించిన వైకాపా ప్రభుత్వానికి దళితుల ఉసురు తగలక మానదు : తెదేపా పోలిట్ బ్యూరో సభ్యులు వర్ల రామయ్య ఆగ్రహం 
          ప్రకాశం జిల్లాలో ట్రాక్టర్ ప్రమాద మృతులకు ఉంటే ఒక్కోక్కరికి రూ. 25 లక్షలు ప్రకటించాలని డిమాండ్ చేస్తున్నాం.  వైకాపా ప్రభుత్వానికి  చిత్తశుద్ధి దళితుల అభివృద్ధి  పట్ల ఆకాంక్ష, అభిమానం, ఆదరించాలన్న ఆలోచన శ్రద్ధ దళితులను ఆదుకోవాలి. దళితులను వైకాపా ప్రభుత్వం అంటరాని వాళ్ళుగా చూస్తున్నారా? మృతుల్లో విద్యార్థులున్నా కనీసం జాలి చూపకపోవడం, చిన్న చూపు చూపడం దారుణం. దళితుల ఆగ్రహానికి గురైన ఏ ప్రభుత్వం కూడా ఆట్టే మనజాలదు. దళితులతో పెట్టుకున్న ప్రభుత్వాలు అధికారంలో కొనసాగలేవు. దళితుల పట్ల సీఎం, మంత్రులు, అధికార యంత్రాంగం ప్రవర్తించిన తీరు అభ్యంతరకరం. దళితులంటే వైకాపా నేతలకు ఈసడింపుగా , అంటరానివారుగా కనపడుతున్నారు.  రూ.25లక్షల ఎక్స్ గ్రేషియా ప్రకటించే వరకూ దళిత మృతుల కుటుంబాల తరఫున తెదేపా ఆందోళన చేస్తుంది. ప్రమాదంలో చనిపోయిన మృతులకు ఏ లాంఛనాలు లేకుండా దిక్కులేని విధంగా సామూహిక సమాధి జరగడం దురదృష్టకరం. నిర్లక్షంగా వ్యవహరించిన వైకాపా ప్రభుత్వానికి దళితుల ఉసురు తగిలితే మంచిది కాదని గ్రహించాలి.             
ప్రకాశం జిల్లాలో నాగులుప్పలపాడు మండలం రాపర్ల వద్ద విద్యుత్ స్తంభాన్ని టాక్టర్ ఢీకొట్టిన 
ఘోర రోడ్డు  ప్రమాదంలో 9 మంది కూలీలు మృతి చెందడం పట్ల తెదేపా ఆవేదన, సంతాపం వ్యక్తం చేసింది. రాష్ట్ర ప్రభుత్వ వ్యవహార శైలి అగమ్యగోచరంగా ఉంది. అర్థం కాని పరిస్థితులు రాష్ట్రంలో నెలకొన్నాయి. ప్రకాశం జిల్లా గ్రామంలో ట్రాక్టర్ ఎలక్ట్రికల్ పోల్ కు ఢీకొనగా ప్రమాదం సంభవించడం దురదృష్టకరం.  
 ఈ ప్రమాదానికి లోనైన దళిత వర్గ కూలీల విషయంలో వైకాపా ప్రభుత్వం ఉదాశీనతగా వ్యవహరిస్తోంది.  సరైన రీతిలో ఈ ప్రభుత్వం స్పందించలేదు. విశాఖలో గ్యాస్ ప్రమాదంలో స్పందించిన రీతులో బాధితుల పట్ల కోటి రూపాయల ఎక్స్ గ్రేషియా ఇస్తానని ప్రకటించినంత వేగంగా 9 మంది దళితులు  చనిపోతే ఈ ప్రభుత్వం పట్టించుకోలేదు. ప్రకాశం జిల్లాలోని  మంత్రులు, ఎమ్మెల్యే , కలెక్టర్,ఎస్పీలు సైతం  ప్రమాద సంఘటన స్థలానికి  వెళ్ళలేదు. మృతుల మానాన వాళ్ళను వదిలేశారు. ఎస్సై మాత్రమే వెళ్ళి చూడటం దురదృష్టకరం. దళితులకు మాయమాటలు చెప్పి దళిత ఓట్లు దండుకోడానికి ముఖ్యమంత్రి అసాధ్యపు వాగ్దానాలను చేశారు. దళితుల పట్ల సీఎంకి ప్రేమ,అభిమానం ఇదేనా? దళితుల పట్ల వైకాపా ప్రభుత్వం ముసలి కన్నీరు కారుస్తోంది. దళితవర్గాల  వద్దకు వెళ్ళి తమ పార్టీ వారి ఉద్ధరణకు కృషి చేస్తామన్నది డ్రామానేనా? అదంతా నటనేనా? దళిత వర్గానికి చెందిన 9 మంది చనిపోతే ప్రభుత్వం నుంచి సాంత్వన, ధైర్యం చెప్పే దిక్కులేదు. విశాఖలో పోటీ పడి మంత్రులు వెళుతూ నిద్రలు చేస్తున్నారు. ట్రాక్టర్ ప్రమాదంలో చనిపోయిన మృతుల కుటుంబసభ్యులను కలసి సంతాపం,  సానుభూతి చూపలేకపోయారా? ఎన్నికల ప్రచారంలో దళితులకు బంగారు తొడుగులు తొడుగుతాం, అందలమెక్కిస్తామని అలవికాని హామీలు ఎందుకు ఇచ్చారు? ఈ దుర్ఘటనలో మృతులకు పోస్టుమార్టం పూర్తయిన తర్వాత  ప్రభుత్వ సాయం లేకపోవడం, పట్టించుకోక పోవడంతో సామూహిక సమాధి చేసుకున్నారు. ఇద్దరు మంత్రులు, ఎమ్మెల్యేలు, అధికారులు రాని విషయం సీఎం జగన్ కు తెలుసా? విశాఖలో ఎల్జీ పాలిమర్స్ ప్రమాద మృతుల కుటుంబాలకు  కోటి ఎక్స్ గ్రేషియా ఇస్తే, దళిత బిడ్డలకు రూ.5లక్షలా ? సొంత కంపెనీ అన్నట్లు ఎల్జీ పాలిమర్స్ యాజమాన్యాన్ని కాపాడటానికి ఈ ప్రభుత్వం తాపత్రయపడి, ప్రకాశం జిల్లా దళిత వర్గ కూలీలను నిర్లక్షం చేసింది. ఇక్కడి దళిత కూలీలతో వైకాపా ప్రభుత్వానికి సంబంధం లేదా? దళితులు చచ్చినా, ఇబ్బంది వచ్చినా ప్రభుత్వం పట్టించుకోదని తేటతెల్లం అయింది.  జగన్ నేతృత్వంలో చట్టాలు  లేవు, ఉన్నా పని చేయడంలేదు. జగన్ ఏమి చెబితే అదే చట్టమైంది. రాచరిక పోకడలతో రాష్ట్రంలో ప్రజాస్వామ్యాన్ని కూనీ చేశారు.   సీఎం జగన్ ఉదాశీనంగా వ్యవహరిస్తూ దళితుల బంధువులనే చెప్పుకోవడం పెద్ద డ్రామాకాదా? సీఎం క్యాం ఆఫీసు నుంచి బయటకు రాని జగన్  స్పందించకపోవడం  చనిపోయిన దళితులు దిక్కులేని వారనేనా అలుసు? 
--వర్ల రామయ్య, తెలుగుదేశం పార్టీ పొలిట్ బ్యూరో సభ్యులు .


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*మరుగుదొడ్ల నిర్మాణాలపై అధికారుల విచారణ* వింజమూరు, జూలై 14 (అంతిమ తీర్పు-దయాకర్ రెడ్డి): వింజమూరు మండలంలో గతంలో జరిగిన వ్యక్తిగత మరుగుదొడ్లు నిర్మాణాలకు సంబంధించి అధికారులు లోతుగా విచారణ సాగిస్తున్నారు. డ్వామా కార్యాలయం నుండి మరుగుదొడ్లు నిర్మాణాలు చేపట్టేందుకు ముందస్తుగా 13 లక్షలా 95 వేల రూపాయల నిధులను విడుదల చేసియున్నారు. వాటిని కొంతమంది నేచురల్ లీడర్లు నిర్మాణ పనులను చేజిక్కించుకున్నారు. వారిలో కొంతమంది నాసిరకంగా మరుగుదొడ్లును నిర్మించగా మరికొంత మంది అసలు నిర్మాణాలు చేపట్టకుండానే ఆ నిధులను దుర్వినియోగం చేశారనే ఆరోపణలు, ఫిర్యాధులు అందుకున్న జిల్లా ఉన్నతాధికారులు స్పష్టమైన ఆదేశాలు జారీ చేశారు. ఈ మేరకు మండల పరిషత్ అభివృద్ధి అధికారిణి కనకదుర్గా భవానీ ఉన్నతాధికారుల సూచనల మేరకు స్వయంగా రంగంలోకి దిగి లోతుగా విచారణ జరుపుతున్నారు. ఈ పరిణామంతో అటు బదిలీపై వెళ్ళిన అధికారులు, ఇటు నేచురల్ లీడర్లులో గుబులు మొదలైంది. అందుకు సంబంధించి పలువురికి నోటీసులు కూడా జారీ చేశారు. దుర్వినియోగం కాబడిన నిధులను యుద్ధ ప్రాతిపదికన రికవరీ చేసి ప్రభుత్వ ఖజానాకు జమ చేసే దిశగా యం.పి.డి.ఓ కనకదుర్గా భవానీ చర్యలు చేపడుతున్నారు. ఈ విషయాలు తెలుసుకున్న పలువురు యం.పి.డి.ఓ తీరును ప్రశంసిస్తున్నారు.
Image