నెలాఖరుకు రైతు భరోసా కేంద్రాలు ప్రారంభం : నెల్లూరు జిల్లా కలెక్టర్

 


  *నెల్లూరు, 15-05-2020*


నెల్లూరు నగరంలోని నూతన జిల్లా పరిషత్ సమావేశ మందిరంలో శుక్రవారం మధ్యాహ్నం.., కలెక్టర్ .   యం.వి.శేషగిరి బాబు మీడియా సమావేశం నిర్వహించారు. నీటి విడుదలకు సంబంధించి రెండు రోజుల నుంచి పత్రికల్లో వస్తున్న వార్తలపై.., ఇరిగేషన్ శాఖ అధికారులు విచారణ చేస్తున్నారని.., విచారణ అనంతరం నివేదిక ఆధారంగా లోటుపాట్లు ఉంటే సరిచేసి.., బాధ్యులపై చర్యలు తీసుకుంటారన్నారు. ఈ వివాదంపై ఇప్పటికే సోమశిల ప్రాజెక్టు ఎస్.ఈ ని కూడా వివరణ కోరామని మీడియాకు వెల్లడించారు. రెండో పంటకి నీరు అందించడానికి ఇరిగేషన్ అడ్వైజరీ బోర్డు రిజల్యూషన్ ప్రకారం పెన్నా డెల్డా కింద 1,80,000 ఎకరాలకు, సోమశిల కాలువ కింద 67,500 ఎకరాలు కలిసి.. మొత్తం 2,47,500 ఎకరాలు మొత్తం 27.5 టి.ఎం.సిల నీళ్లు విడుదల చేయాలని నిర్ణయం తీసుకుందన్నారు. నీటి విడుదలకు సంబంధించి భవిష్యత్తులో వివాదాలు తలెత్తకుండా రెవెన్యూ, ఇరిగేషన్, పోలీసు, అగ్రికల్చర్ శాఖల అధికారులతో ప్రత్యేక టీంలు ఏర్పాటు చేశామన్నారు. స్థిరీకరించని ఆయకట్టులో రైతులు సాగుచేపట్టవద్దని.., ఎవరైనా అనధికారికంగా మోటార్ల ద్వారా నీరు పొలాలకు మల్లించడం, అనధికారిక ఆయకట్టులో సాగుచేపట్టడం చేస్తే.., అధికారులు తనిఖీలు చేసి నిబంధనల ప్రకారం చర్యలు తీసుకుంటారన్నారు. కచ్చితంగా నిర్ణయించిన ప్రకారం స్థిరీకరించిన ఆయకట్టుకు నీళ్లు అందిస్తామని.., రైతులకు ప్రభుత్వం అండగా ఉంటుందన్నారు. ఇరిగేషన్, వ్యవసాయ శాఖ సూచనలు పాటించాలన్నారు. సాగు, త్రాగు నీటి అవసరాలను దృష్టిలో ఉంచుకుని.., ఇరిగేషన్ అడ్వైజరీ బోర్డు రిజల్యూషన్ ప్రకారం నీటి కేటాయింపులు చేపట్టిందని.., దీనిని గమనించకుండా స్థిరీకరించని ఆయకట్టులో రైతులు పంటలు వేస్తే సమస్యలు ఎదురవుతాయన్నారు. వాతావరణ పరిస్థితులకు అనుగుణంగా రైతులకు వ్యవసాయ శాఖ, శాస్త్రవేత్తల ద్వారా సలహాలు అందిస్తామన్నారు. నెలాఖరుకు రైతు భరోసా కేంద్రాలు ప్రారంభమవుతున్నాయని.., వాటి ద్వారా రైతులకు మరిన్ని సేవలందిస్తామన్నారు. ఏ కాలువ కింద ఎంత ఆయకట్టు ఉందో, ఉన్న ఆయకట్టులో ఎంత  శాతం నీళ్లు అందిస్తున్నారు అనే వివరాలను.. ఇరిగేషన్ శాఖ అధికారులు ప్రతి గ్రామ సచివాలయాల్లో రైతులకు తెలిసేలా ప్రదర్శించాలన్నారు. 
 


ఈ మీడియా సమావేశంలో సోమశిల ఎస్.ఈ రవీంద్రారెడ్డి, తెలుగుగంగ ఎస్.ఈ హరినారాణ రెడ్డి, అధికారులు పాల్గొన్నారు.


 


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం