రాష్ట్ర వ్యాప్తంగా వైఎస్ఆర్ పెన్షన్ కానుక పంపిణీ - 94 శాతం పెన్షన్ పంపిణీ చేసిన వాలంటీర్లు

01.5.2020
అమరావతి


- రాష్ట్ర వ్యాప్తంగా వైఎస్ఆర్ పెన్షన్ కానుక పంపిణీ


- (సాయంత్రం 5 గంటల వరకు) 94 శాతం పెన్షన్ పంపిణీ చేసిన వాలంటీర్లు


- (సాయంత్రం 5 గంటల వరకు) పెన్షన్ అందుకున్న 53 లక్షల మంది


- మొత్తం రూ.1300 కోట్లు పంపిణీ.


- రాష్ట్ర వ్యాప్తంగా మొత్తం పెన్షన్లు 58.22 లక్షలు 


- పింఛన్ కోసం రూ.1421.20 కోట్లు కేటాయించిన ప్రభుత్వం.


- ఇంటింటికి వెళ్ళి పెన్షనర్ల చేతికే పెన్షన్ అందచేసిన వాలంటీర్లు.


- పెన్షన్ల పంపిణీలో నిమగ్నమైన 2,37,615 మంది వాలంటీర్లు.


- కరోనా నియంత్రణలో భాగంగా ప్రత్యేక మొబైల్ యాప్


- జియో ట్యాగింగ్ ద్వారా లబ్దిదారుల ఫోటోలు


-  పోర్టబిలిటీ ద్వారా కూడా పెన్షన్లు అందుకున్న లబ్ధిదారులు.


- పెన్షన్ల పంపిణీని పర్యవేక్షించిన పిఆర్అండ్ ఆర్డీ చీఫ్ సెక్రటరీ గోపాలకృష్ణ ద్వివేది, సెర్ఫ్ సిఇఓ పి.రాజాబాబు.


కరోనా వైరస్ సృష్టిస్తున్న ఆలజడిలోనూ ఎపి ప్రభుత్వం పట్టుదలతో సామాజిక పెన్షన్ల పంపిణీ కార్యక్రమాన్ని విజయవంతంగా ముందుకు తీసుకువెళ్లింది. ప్రతినెలా ఒకటో తేదీనే వృద్దులు, వితంతువులు, దివ్యాంగులు, గుర్తించిన వ్యాధులతో బాధపడుతున్న వారికి పెన్షన్ సొమ్మును వారి చేతికే అందించాలన్న ముఖ్యమంత్రి శ్రీ వైఎస్ జగన్మోహన్ రెడ్డి ఆదేశాలను ప్రభుత్వ యంత్రాంగం, వాలంటీర్ల వ్యవస్థ ఉద్యమ స్పూర్తితో నెరవేర్చింది. ఉదయం నుంచే వాలంటీర్లు తమకు కేటాయించిన యాబై ఇళ్ళ పరిధిలోని వైఎస్ఆర్ పెన్షన్ కానుక లబ్ధిదారుల వద్దకు వెళ్ళి వారికి స్వయంగా పెన్షన్ సొమ్మును అందించారు. ఇందుకోసం రాష్ట్ర వ్యాప్తంగా 2, 37,615 మంది వాలంటీర్లు కష్టపడి పనిచేశారు. అంతేకాకుండా ముఖ్యమంత్రి సంకల్పంను కార్యరూపంలోకి తీసుకురావడానికి సెక్రటేరియట్ స్థాయి ఉన్నతాధికారుల నుంచి గ్రామ సచివాలయ ఉద్యోగుల వరకు ఈ కార్యక్రమాన్ని పర్యవేక్షించారు. పంచాయతీరాజ్, గ్రామీణాభివృద్ధిశాఖ ముఖ్య కార్యదర్శి గోపాలకృష్ణ ద్వివేది, పేదరిక నిర్మూలనా సంస్థ (సెర్ఫ్) సిఇఓ పి.రాజాబాబు స్వయంగా పశ్చిమగోదావరిజిల్లా కలపర్రు గ్రామంలో జరిగిన పెన్షన్ల పంపిణీ కార్యక్రమంలో భాగస్వాములు అయ్యారు. ప్రభుత్వ ఉద్యోగులను ఉత్సాహపరుస్తూ, వాలంటీర్లకు స్పూర్తినిస్తూ వారు సైతం పెన్షన్లను పంపిణీ చేశారు. సాయంత్రం నాలుగు గంటల సమయానికి రాష్ట్ర వ్యాప్తంగా 94 శాతం మందికి, అంటే దాదాపు 53, 01,212 మంది లబ్ధిదారులకు పెన్షన్ ను అందించారు. ముఖానికి మాస్క్ లు ధరించి, శానిటైజర్లను ఉపయోగిస్తూ, భౌతికదూరం పాటిస్తూ పెన్షన్ల పంపిణీ కార్యక్రమానికి కోవిడ్ -19 నియంత్రణ నిబంధనలు ఎక్కడా ఆటంకం కలిగించకుండా జాగ్రత్తలు తీసుకున్నారు. కోవిడ్ – 19 నియంత్రణ చర్యల్లో భాగంగా పెన్షనర్ల బయో మెట్రిక్ వేయకుండా ప్రత్యామ్నాయంగా ప్రభుత్వం మొబైల్ యాప్ ను రూపొందించింది. ఈ యాప్ ద్వారా జియోట్యాగింగ్ తో కూడిన ఫోటోలను వాలంటీర్లు ఫోన్ లో అప్ లోడ్ చేస్తూ పెన్షన్లను పంపిణీ చేశారు. 
మే నెలలో వైఎస్ఆర్ పెన్షన్ కానుక కింద ప్రభుత్వం మొత్తం 1421.20 కోట్ల రూపాయలను విడుదల చేసింది. రెండు రోజుల కిందటే కే ఈ మొత్తంను పేదరిక నిర్మూలనాసంస్థ (సెర్ఫ్) ద్వారా రాష్ట్రంలోని వార్డు, గ్రామ సచివాలయ కార్యదర్శుల ఖాతాలకు జమ చేసింది. సచివాలయ కార్యదర్శుల నుంచి సొమ్మును వాలంటీర్లకు అందచేయడం ద్వారా, శుక్రవారం ఉదయం నుంచే నేరుగా పెన్షనర్ల చేతికి పింఛన్ అందించే కార్యక్రమాన్ని ప్రారంభించారు. లాక్ డౌన్ నిబంధనల కారణంగా ఎక్కడైనా పెన్షనర్లు ఇతర ప్రాంతాల్లో వుండి పోయినట్లయితే, వారిని కూడా గుర్తించి, పోర్టబిలిటీ ద్వారా పెన్షన్ సొమ్మును అందించేందుకు ఏర్పాట్లు చేశారు. వృద్ధులు, దివ్యాంగులు, వితంతువులతో పాటు గుర్తింపు పొందిన వ్యాధులతో బాధపడుతున్న వారికి కూడా నెల ఒకటో తేదీనే పెన్షన్ సొమ్ము అందించాలన్న ముఖ్యమంత్రి శ్రీ వైస్ జగన్మోహన్ రెడ్డి ఆదేశాలకు అనుగుణంగా అధికారులు అన్ని ఏర్పాట్లు చేశారు. దీనిలో భాగంగా ప్రభుత్వ ఆసుపత్రుల్లో చికిత్స పొందుతున్న హెచ్ఐవి, డయాలసిస్ పెషంట్లకు డిబిటి విధానంలో శుక్రవారం పెన్షన్ సొమ్మును జమ చేశారు. ఎవరైనా మే నెల పెన్షన్ సొమ్మును అనివార్య కారణాల వల్ల అందుకోలేక పోతే, వారికి జూన్ నెలలో అందచేసే పెన్షన్ కు ఈ నెలది కూడా కలిపి అందిస్తామని సెర్ఫ్ సిఇఓ పి.రాజాబాబు వెల్లడించారు. 


*జిల్లాల వారీగా పెన్షన్ల పంపిణీ:*


వైఎస్ఆర్ కడప: 3,11,214


చిత్తూరు : 4,62,235


విజయనగరం: 3,01,800


ప.గో.జిల్లా : 4,38,496


విశాఖపట్నం: 4,09, 170


శ్రీకాకుళం : 3,39,498


అనంతపురం: 4,73,717


తూ.గో.జిల్లా: 5,76,488


 నెల్లూరు : 3,16,935


కర్నూలు : 3,88,725


కృష్ణా: 4,42,987


ప్రకాశం : 3,57,739


గుంటూరు: 4,82,208


 
*ఒక్కరోజులో రూ.1300 కోట్లు పంపిణీ: మంత్రి శ్రీ పెద్దిరెడ్డి రామచంద్రారెడ్డి*


రాష్ట్ర వ్యాప్తంగా ఒకేరోజున యాబై మూడు లక్షలకు పైగా పెన్షన్ లబ్దిదారులకు రూ.1300 కోట్లకు పైగా పెన్షన్ సొమ్మును వారికి నేరుగా అందించిన వాలంటీర్లను రాష్ట్ర గ్రామీణాభివృద్ధి శాఖామంత్రి శ్రీ పెద్దిరెడ్డి రామచంద్రారెడ్డి అభినందించారు. కరోనా జాగ్రత్తలను పాటిస్తూ, పెన్షన్ల పంపిణీని విజయవంతం చేయడంలో వాలంటీర్లు చిత్తశుద్దితో పనిచేశారని అన్నారు. గ్రామస్థాయిలో పరిపాలనను ప్రజలకు చేరువ చేసేందుకు ముఖ్యమంత్రి శ్రీ వైఎస్ జగన్మోహన్ రెడ్డి రూపకల్పన చేసిన సచివాలయ, వాలంటీర్ల వ్యవస్థ సాధిస్తున్న ఫలితాలకు పెన్షన్ల పంపిణీ నిదర్శనమని కొనియాడారు.


Popular posts
*కలిగిరి కార్యదర్శి వి.మధు కు ఉత్తమ అవార్డు* ఉదయగిరి, ఆగష్టు 23 (అంతిమ తీర్పు- ఇంచార్జ్ దయాకర్ రెడ్డి): ఉదయగిరి నియోజకవర్గంలోని కలిగిరి పంచాయితీ కార్యదర్శి వెలుగోటి. మధు ఉత్తమ కార్యదర్శిగా ఎంపికయ్యారు. ఆగష్టు 15 స్వాతంత్ర్య దినోత్సవం సందర్భంగా ప్రకటించిన ఉత్తమ అధికారుల జాబితాలో మధు ముందు వరుసలో నిలిచారు. గత 4 సంవత్సరాల నుండి ఆయన అవార్డులకు ఎంపిక కాబడుతుండటం గమనించదగిన విషయం. పంచాయితీ సెక్రటరీగా కలిగిరిలో గ్రామ పంచాయితీ అభివృద్ధికి బంగారు బాటలు వేశారు. ఎంతోకాలంగా ఆక్రమణల చెరలో ఉన్న పంచాయితీ స్థలాలకు కబ్జా కోరల నుండి విముక్తి కల్పించి ప్రభుత్వానికి ఆదాయ వనరులను చూపించారు. కరోనా కాలంలో ప్రజలను ఎప్పటికప్పుడు అప్రమత్తం చేయడంతో పాటు పారిశుద్ధ్య కార్యక్రమాలను వేగవంతం చేశారు. ప్రతినెలా 1 వ తేదీన జరిగే ఫించన్ల పంపిణీ విషయంలో వెలుగోటి.మధు చేస్తున్న కృషి పలువురి ప్రశంసలు అందుకుంటున్నది. ఉదయం 7 గంటల కల్లా ఫించన్ల పంపిణీ లక్ష్యాలను అధిగమించి అందరి చేత బేష్ అనిపించుకుంటారు. వృత్తి పట్ల అంకితభావం కలిగిన మధును ఈ యేడాది కూడా ఉత్తమ కార్యదర్శి అవార్డు వరించడం అభినందనీయమని పలువురు హర్షం వ్యక్తం చేస్తున్నారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
శ్రీ‌వాణి ట్ర‌స్టు దాత‌ల కోసం ఆన్‌లైన్ అప్లికేష‌న్ ప్రారంభం
అంబెడ్కర్ జయంతి సందర్భంగా శుభాకాంక్షలు తెలిపిన ysrcp నేత దేవినేని ఆవినాష్
Image
ఆంధ్ర ప్రదేశ్‌ రెవెన్యూశాఖ ఆధ్వర్యంలో ఇకపై ఆటో మ్యుటేషన్‌ సేవలు అమలు.