ఆంధ్రప్రదేశ్ ప్రభుత్వ ప్రధాన కార్యదర్శి నీలం సహాని కి కన్నా లక్ష్మీనారాయణ లేఖ

బిజెపి రాష్ట్ర అధ్యక్షులు కన్నా లక్ష్మీనారాయణ .    ఆంధ్రప్రదేశ్ ప్రభుత్వ ప్రధాన కార్యదర్శి నీలం సహాని కి లేఖ రాశారు..


లేఖలోని ప్రధానమైన అంశాలు..


కరోనా మహమ్మారి విపత్తు కారణంగా లక్షలాది మంది వలస కార్మికులు,విద్యార్థులు,పర్యాటకులు మరియు ఇతర ప్రజానీకం ప్రయాణ వెసులుబాటు లేక వివిధ రాష్ట్రాలలో ఎక్కడివారు అక్కడే చిక్కుకుపోయారు.


ముఖ్యంగా వీరిలో అత్యధికంగా వలస కార్మికులు ఉన్నారు.లాక్-డౌన్ కారణంగా వ్యాపార లావాదేవీలు,భవన నిర్మాణాలు మొదలైన రంగాలలో ఉపాధి అవకాశాలు నిలచి పోవడంతో వారు వారి స్వస్థలాలకు చేరుకోవాలని ఆందోళనతో తీవ్రమైన ఒత్తిడికి గురవుతున్నారు.


కేంద్ర ప్రభుత్వం ఒంటరిగా ఇబ్బందులు పడుతున్న ప్రజల సమస్యల పరిష్కరించడానికి కొన్ని సలహాలు సూచనలు ఇప్పటికే మార్గదర్శనం చేసింది.


మన రాష్ట్రంలో ప్రభుత్వం ఏర్పాటు చేసిన రెండు నోడల్ ఆఫీసర్స్ నంబర్లు లక్షలాది బాధితులు సరిపోయే అవకాశం లేక పోగా వారి సహాయం కోసం చేసే ప్రయత్నం విఫలం చెందే అవకాశం ఉంది.


కావున భారతీయ జనతా పార్టీ నుంచి కొన్ని సూచనలు చేస్తున్నాను.ముఖ్యంగా


1. బాధితుల సమస్యల పరిష్కారించడానికి రాష్ట్ర స్థాయిలో 10 నుంచి 12 హెల్ప్-లైన్లు ఏర్పాటు చేసి మల్టీ-లైన్ల సదుపాయం ఏర్పాటు చేయడం ద్వారా ప్రయోజనం చేకూరుతుంది.


2. జిల్లా స్థాయిలో 10 నుంచి 12 హెల్ప్-లైన్లు ఏర్పాటు చేసి మల్టీ-లైన్ల సదుపాయం ఏర్పాటు చేయడం ద్వారా అన్ని వర్గాల బాధితులకు సత్వరం సహాయం అందుతుంది.


పైన చేసిన సూచనలను పరిగణనలోకి తీసుకొని అమలు చేయాలని విజ్ఞప్తి చేస్తున్నాను.


                బిజెపి రాష్ట్ర అధ్యక్షులు,
                కన్నా లక్ష్మీనారాయణ.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image