మద్యం ధరల పెరుగుదల మద్యం వినియోగాన్ని నిరుత్సాహపరచడానికే


                   సత్తెనపల్లి,మే 4 ( అంతిమ తీర్పు) :  మద్యం ధరల పెరుగుదల మద్యం వినియోగాన్ని నిరుత్సాహపరచడానికేనని మద్య విమోచన ప్రచార కమిటీ రాష్ట్ర చైర్మన్ వల్లం రెడ్డి లక్ష్మణ రెడ్డి పేర్కొన్నారు. ఈనెల 4వ తేదీన సత్తెనపల్లి లోని ప్రొహిబిషన్  మరియు ఎక్సైజ్ కార్యాలయంలో జరిగిన మీడియా సమావేశంలో వారు ప్రసంగిస్తూ  సి పి ఐ,  సి పి ఐ(యo)పార్టీ లు గతంలో సంపూర్ణ మద్య నిషేధం అసాధ్యమని,మద్య  నియంత్రణే మేలని పేర్కొన్నాయని నేడు దీనికి భిన్నంగా సంపూర్ణ మద్య నిషేధాన్ని వెంటనే అమలు చేయమని కోరడం హాస్యాస్పదo అన్నారు.వై.యస్.జగన్ మోహన్ రెడ్డి తన పాద యాత్రలో,నవరత్నాలలో, ఎన్నికల మేనిఫెస్టోలో పేర్కొన్నట్లుగా దశలవారీ మద్య నిషేధాన్ని పకడ్బందీగా అమలు చేస్తున్నామన్నారు.
తత్ఫలితంగా దాదాపు 30 శాతం మద్యం వినియోగం 60 శాతం బీరు వినియోగం తగ్గిందన్నారు.మద్యం షాపుల సంఖ్యను ప్రతి సంవత్సరం 20 శాతం తగ్గించడం, మద్యం అమ్మే పనిగంటలు తగ్గించడం దశలవారీ మద్యనిషేధంలో భాగమేనన్నారు.2024 నాటికి ఆంధ్రప్రదేశ్ లో త్రీ స్టార్,ఫైవ్ స్టార్  హోటల్స్ లలో మినహ మరి ఎక్కడ మద్యం లేని పరిస్థితిని కల్పిస్తామన్నారు. నారా చంద్రబాబు నాయుడు ఆంధ్ర ప్రదేశ్ ను మధ్యాంధ్రప్రదేశ్ గా మారిస్తే నేడు వై.యస్. జగన్ మోహన్ రెడ్డి ఆంధ్ర ప్రదేశ్ ను మద్యరహిత ఆంధ్ర ప్రదేశ్ వైపు అడుగులు వేస్తున్నారన్నారు. 


    మద్యం ధరలు పెరగడం వలన  నాటుసారా,  కల్తీకల్లు,  గంజాయి వినియోగం,ఉత్పత్తి పెరిగే ప్రమాదంవుందన్నారు. పోలీసు,ఎక్సైజు, రెవిన్యూ యంత్రాంగాల సమిష్టి కృషితో వీటిని నిర్మూలించడానికి కృషి జరుగుతుందన్నారు. ఎన్ఫోర్స్మెంట్ విభాగాలను బలోపేతం చేస్తున్నామన్నారు. నాటుసారా,గంజాయి నిర్మూలనలో పోలీస్ పాత్ర పెరగాలన్నారు.
వైన్ షాపులకు వచ్చేవారు సామాజిక దూరాన్ని తప్పక పాటించాలి.ప్రతి ఒక్కరు మాస్క్ లు ధరించాలన్నారు.ముఖ్యమంత్రి రాజకీయ దృఢ సంకల్పమైన దశలవారీ మద్య నిషేధం అమలును  ఏ ప్రజా ప్రతినిధి అయిన, అధికారులైనా నీరుకార్చవద్దని విజ్ఞప్తి చేశారు.
   
కరోనా  కట్టడికి లాక్ డౌన్ అమలులో భాగంగా మద్యం విక్రయాలు నిలిపి వేయడం జరిగింది. మార్చి 22 నుంచి ఇప్పటి వరకు రాష్ట్ర వ్యాప్తంగా నిర్వహించిన ఎక్సైజ్ దాడుల్లో 49,533 లీటర్ల నాటుసారా పట్టుబడింది. ఈనెల 2వ తేదీ ప్రత్యేకంగా నిర్వహించిన దాడుల్లో 3,071 లీటర్లు పట్టుబడింది. లాక్ డౌన్ కాలంలో ఇంత వరకు మొత్తం 4,721 కేసులు నమోదుచేసి,4319 మందిని అరెస్టు చేశారు.12,21,103 లీటర్ల బెల్లం ఊట దొరికింది.1,251 వాహనాలను సీజ్ చేశారు. అలాగే 37,270 కిలోల నల్ల బెల్లాన్ని కూడా అధికారులు స్వాధీనం చేసుకున్నారు. ఇతర రాష్ట్రాల నుంచి వచ్చే పన్ను చెల్లించని మద్యంపై 134 కేసులు నమోదు చేసి 233 మందిని అరెస్టు చేశారు.మద్యం అక్రమాలపై 14500,1800 425 4868 టోల్ ఫ్రీ నెంబర్ లకు ఫిర్యాదు చేయాలని విజ్ఞప్తి చేశారు.


      


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
బలోపేతానికి చారిత్రక ప్రణాళిక రూపొందించిన ఏపీ ప్రభుత్వం
Image