నా డ్రైవర్ వాహనాన్నే నిలువరిస్తారా...మీ సంగతి చూస్తా... పోలీసు సిబ్బందిపై ఇరిగేషన్ ఏ.ఈ ఆగ్రహం

నా డ్రైవర్ వాహనాన్నే నిలువరిస్తారా...మీ సంగతి చూస్తా... పోలీసు సిబ్బందిపై ఇరిగేషన్ ఏ.ఈ ఆగ్రహం


వింజమూరు, మే 2 (అంతిమ తీర్పు-దయాకర్ రెడ్డి): నా డ్రైవర్ వాహనాన్నే నిలువరిస్తారా...10 నిమిషాలు ఆగండి, మీ సంగతి చూస్తా, నేనేంటో చూపిస్తానంటూ భాధ్యతాయుతమైన మండల స్థాయి ప్రభుత్వ ఉద్యోగి పోలీస్ సిబ్బందిని హెచ్చరించిన సంఘటన వింజమూరులో శుక్రవారం రాత్రి జరిగింది. వివరాలలోకి వెళితే వింజమూరులోని బంగ్లాసెంటర్ కూడలిలో కరోనా వైరస్ నివారణా చర్యలలో భాగంగా స్థానిక పోలీసు సిబ్బంది విధులు నిర్వహిస్తున్నారు. సుమారు రాత్రి 8:30 గంటల సమయంలో కలిగిరి ఇరిగేషన్ శాఖ ఏ.ఈ డ్రైవర్ ద్విచక్ర వాహనంపై వస్తుండగా బంగ్లాసెంటర్ వద్ద పోలీసులు తమ తనిఖీలలో భాగంగా ఎక్కడ నుండి వస్తున్నావు, ఎక్కడికి వెళుతున్నావు అని ప్రశ్నించారు. దీంతో డ్రైవర్ నేను కలిగిరి ఇరిగేషన్ ఏ.ఈ డ్రైవర్ గా ఉంటున్నానని నిర్లక్ష్యంగా సమాధానమివ్వడంతో పాటు ఏ.ఈ రమేష్ కు ఫోన్ చేశారు. అదే సందర్భంలో అటుగా వెళుతున్న ఎస్.ఐ బాజిరెడ్డి గమనించి అక్కడకు చేరుకుని ఏంటని అడిగారు. అంతలో హుటాహుటిన ద్విచక్ర వాహనంపై నేరుగా ఇరిగేషన్ ఏ.ఈ బంగ్లాసెంటర్ కు చేరుకున్నారు. అంతలో ఎస్.ఐ మీరెవరండీ అని ప్రశ్నించే లోగా నీ దగ్గరకే వస్తున్నా ఉండండి  నేనేంటో చూపిస్తానంటూ సెల్ ఫోన్ చేతబట్టుకుని ఎవరివరికో ఫోన్లు చేయడం ప్రారంభించారు. అనంతరం ఎస్.ఐ బాజిరెడ్డి వద్ద కొంతసేపు హల్ చల్ చేశారు. ఇందంతా ఓపిగ్గా గమనించిన ఎస్.ఐ అసలు మీరు ఎవరండీ అని సున్నితంగా ప్రశ్నిచగా నేను ఇరిగేషన్ ఏ.ఈ ని అంటూ సమాధానమిచ్చారు. ఐడెంటిటీ కార్డును చూపించారు. ఎస్.ఐ మాట్లాడుతూ మీరు భాధ్యతాయుతమైన మండల స్థాయి అధికారిగా ఉంటూ ఇలా మా సిబ్బందితోనూ, నాతో సైతం నిర్లక్ష్యంగా సమాధానాలు చెప్పడం సబబు కాదన్నారు. మీకు అరగంట టైం ఇస్తున్నాను, మీరు ఎవరెవరికి 
ఫోన్లు చేసుకుంటారో చేసుకోండి, ఈ కరోనా సమయంలో మేము మా కుటుంబాలకు దూరంగా ఉంటూ మీ కుటుంబాల రక్షణకు రాత్రింబవళ్ళు రోడ్లు వెంబడి అర్ధాకలితో పడిగాపులు కాస్తుంటే మీకు ఎగతాళిగా ఉందా అంటూ ప్రశ్నించారు. అనంతరం ఏ.ఈ డ్రైవర్ ద్విచక్ర వాహనానికి రికార్డులు చూపించకపోవడంతో నిబంధనల ఉల్లంఘన కింద కేసు నమోదు చేసి పోలీస్ స్టేషన్ కు తరలించారు. అప్పటి వరకు బంగ్లాసెంటర్ వద్ద హల్ చల్ చేసిన ఏ.ఈ పోలీస్ స్టేషన్ కు చేరుకుని పొరపాటు జరిగిందని ఎస్.ఐ ను బ్రతిమిలాడుకున్నారు. ఎస్.ఐ బాజిరెడ్డి ఇరిగేషన్ ఏ.ఈ రమేష్ తో మాట్లాడుతూ ఈ కరోనా విపత్తు సమయంలో మీరిలా విధి నిర్వహణలో ఉన్న ఉద్యోగుల పట్ల భాధ్యతారాహిత్యంగా ప్రవర్తించడం సరి కాదంటూ సున్నితంగా మందలించి పంపించివేశారు.


Popular posts
ఇప్పటి వరకు నమోదైన పాజిటివ్‌ కేసులు:
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image