ముమ్మరంగా నీటి ట్యాంకుల క్లోరినేషన్ పనులు

ముమ్మరంగా నీటి ట్యాంకుల క్లోరినేషన్ పనులు


వింజమూరు, మే 8 (రిపోర్టర్- దయాకర్ రెడ్డి): వింజమూరులోని పాతూరు ప్రాంతంలో ప్రజలకు దాహార్తి తీర్చేందుకు ఏర్పాటు చేసిన సింటెక్స్ ట్యాంకులలో శుక్రవారం నాడు పంచాయితీ సిబ్బంది క్లోరినేషన్ పనులు చేపట్టారు. ట్యాంకుల పరిసరాలలో ఉన్న చెత్తను తొలగించడంతో పాటు సున్నం, బ్లీచింగ్ పౌడర్ లతో ట్యాంకులను శుభ్రపరిచారు. ఈ సందర్భంగా పంచాయితీ కార్యదర్శి బంకా.శ్రీనివాసులురెడ్డి మాట్లాడుతూ ప్రస్తుత కరోనా వైరస్ నేపధ్యంలో గత 50 రోజులుగా పంచాయితీ పరిధిలో రెట్టింపు స్థాయిలో పారిశుద్ద్య పనులను ఉద్యమ తరహాలో నిర్వహిస్తున్నామన్నారు. వింజమూరు మేజర్ పంచాయితీ ప్రత్యేకాధికారిణి, యం.పి.డి.ఓ కనకదుర్గా భవానీ ఆదేశాల మేరకు తాగునీటి పధకాలను పరిశీలిస్తూ, లీకేజీలను అరికడుతూ ప్రజలకు స్వచ్చమైన నీటిని అందించేందుకు కృషి చేస్తున్నామన్నారు. పారిశుద్ధ్య పనులకు అవసరమైన సున్నం, బ్లీచింగ్ పౌడర్, హైపోక్లోరైడ్ ద్రావణాలను పెద్ద మొత్తంలో దిగుమతి చేసుకుని జన సంచారం అధికంగా ఉండే ప్రాంతాలపై దృష్టి సారించి పారిశుద్ధ్యమును మెరుగు పరుస్తున్నామన్నారు. ప్రజలందరూ కూడా చెత్తా చెదారమును విచ్చలవిడిగా రోడ్లుపై పడవేయరాదన్నారు. ప్రతినిత్యం పారిశుద్ధ్య కార్మికులు వింజమూరులోని అన్ని ప్రాంతాలకు వస్తుంటారని, చెత్తను వారికి అందించిన పక్షంలో ప్రత్యేక వాహనాల ద్వారా డంపింగ్ యార్డులకు తరలిస్తామన్నారు. ఫలితంగా నివాస గృహాల వద్ద అపరిశుభ్ర వాతావరణమును పారద్రోలవచ్చని పేర్కొన్నారు. ప్రజలందరూ కూడా అధికారుల సూచనలు పాటించాలని కోరారు. లాక్ డౌన్ ముగిసే వరకు కూడా స్వీయ నిర్భంధంలోనే ఉంటూ ఎప్పటికప్పుడు వ్యక్తిగత పరిశుభ్రతలకు ప్రాధాన్యత ఇవ్వాల్సిన ఆవశ్యకత ఉందని ఇ.ఓ శ్రీనివాసులురెడ్డి విజ్ఞప్తి చేశారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image