రుయాలో వైద్య వసతులు మరింత మెరుగ్గా ఉండేలా చూడాలి.. జిల్లా కలెక్టర్

May 04, 2020 • Valluru Prasad Kumar

తిరుపతి, మే 04 : రుయా ఆసుపత్రి కోవిడ్ కు ప్రాధాన్యత నేపధ్యంలో ఆసుపత్రిలో చేపట్టాల్సిన వైద్య వసతులు పై జిల్లా కలెక్టర్ డా.ఎన్. భరత్ గుప్త సమీక్షించి పలు సూచనలు చేశారు. ఇప్పటికే మెడిసిన్ వార్డు లో కోవిడ్ 150 పడకలు వున్నాయని, మరో 200 పాత మెటర్నేటీ సిద్దంగా ఉందని, అలాగే ఒకటి నిండితే తరువాత మరోకటి సిద్ధంగా ఉండాలని తెలిపారు. రుయాలో మార్పు చేయదలచిన వార్డులో పనులు పూర్తి కావాలని వసతులు టాయిలెట్ లు, ఆక్సిజన్ లైన్ లు, బెడ్లు వంటివి సిద్ధంగా ఉండాలని సూచించారు. పిపిఐలు, ఎన్95 మాస్కులు అవసరాలను అడిగి తెలుసుకున్నారు.

రుయా సూపరినెంట్ భారతి వివరిస్తూ ఎం.ఆర్.ఐ, సిటీ స్కాన్ పనిచేస్తున్నాయని నేడు ఒపి ప్రారంభించామని 382 మంది రోగులకు వైద్య సేవలు అందించామని అందులో 100 మంది కి కోవిడ్ టెస్టులు చేస్తున్నామని వివరించారు. ఇన్ పేషేంట్లను 22 మందిని ఆరోగ్యశ్రీ నెట్ వర్క్ ఆసుపత్రలకు పంపామని తెలిపారు. ఓపి పేషంట్ల కోవిడ్ రిజల్టు వచ్చే వరకు పేషేంట్ల అటెండర్స్ వసతి కోసం ధార్మిమిటరీ కావాలని , నేటి వరకు 32 మంది కొత్తగా డాక్టర్లు విధుల్లో చేరారని తెలిపారు. లిక్విడ్ ఆక్సిజన్ ప్లాంట్ తో ఆక్సిజన్ సరిపోతుందని వివరించారు. డాటా ఎంట్రీ ఆపరేటర్ లు కావాలని కోరారు.

ఈసమావేశంలో అసిస్టెంట్ కలెక్టర్ పృద్వి తేజ్, ఆర్.ఎం.ఓ. ఇబి దేవి, సరస్వతి, ఏపీఎం ఐడిసి ఇఇ ధనంజయ రెడ్డి, ఆరోగ్యశ్రీ కోఆర్డినేటర్ బాల ఆంజనేయులు , తదితరులు పాల్గొన్నారు.

December 02, 2020 • Valluru Prasad Kumar

*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.

October 17, 2020 • Valluru Prasad Kumar

కరోనా నియంత్రణలో విజయవాడ నగరాన్ని రాష్టానికే ఆదర్శంగా ఉండేలా చేయాలి: సిఎస్ నీలం సాహ్ని

April 30, 2020 • Valluru Prasad Kumar

వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.

October 18, 2020 • Valluru Prasad Kumar

*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.

October 20, 2020 • Valluru Prasad Kumar