వింజమూరు మాజీ జడ్.పి.టి.సి ' పులిచర్ల ' దాతృత్వo

*వింజమూరు మాజీ జడ్.పి.టి.సి ' పులిచర్ల ' దాతృత్వo వింజమూరు, మే 17 (అంతిమ తీర్పు-దయాకర్ రెడ్డి): వింజమూరు మాజీ జడ్.పి.టి.సి సభ్యులు, పులిచర్ల.నాగిరెడ్డి చారిటబుల్ ట్రస్ట్ చైర్మన్ పులిచర్ల.వెంకట నారాయణ రెడ్డి కుటుంబ సభ్యులు వలస కార్మికుల పట్ల ఆదివారం నాడు తమ దాతృత్వమును చాటుకున్నారు. వ్యాపార రీత్యా తరచూ గుంటూరుకు వెళుతున్న పులిచర్ల. నారాయణరెడ్డి స్వతహాగా నెల్లూరీయులను అక్కడ కూడా ఆదరిస్తూ వారికి వ్యాపారపరంగా చేయూతనిస్తూ బాసటగా నిలుస్తుంటారనే పేరుంది. అయితే ప్రస్తుతం కరోనా విపత్తు సమయంలో లాక్ డౌన్ కారణంగా గుంటూరులోనే ఉండిపోయిన పులిచర్ల.నారాయణరెడ్డి తన చారిటబుల్ ట్రస్ట్ ద్వారా 200 మంది వలస కార్మికులకు కాజా టోల్ గేట్ వద్ద ఎన్.హెచ్-16 రోడ్డులో ఆహార పొట్లాలు, మజ్జిగ ప్యాకెట్లును అందజేశారు. ఈ సందర్భంగా ఆయన చరవాణి ద్వారా మాట్లాడుతూ ప్రపంచ వ్యాప్తంగా కరోనా వైరస్ కరాళ నృత్యం చేస్తున్న సందర్భంలో ప్రధానమంత్రి నరేంద్రమోదీ తీసుకుంటున్న నిర్ణయాలు సాహసోపేతమైనవిగా నారాయణరెడ్డి అభివర్ణించారు. వలస వాసులకు ఆసరాగా నిలిచిన ఈ ఆహారం అందించే కార్యక్రమంలో పులిచర్ల. అరుణకుమారి, పులిచర్ల. పృద్ధ్వీరెడ్డి, అంకినపల్లి.పవన్ కుమార్ రెడ్డి తదితరులు పాల్గొన్నారు.


Popular posts
90 సంవత్సరాలు పూర్తి చేసుకున్న నెల్లూరు జిల్లాలో రెండవసారి మహాత్ముని పర్యటన
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
21వ శతాబ్దం మనదే...మోదీ
Image
బాలల దినోత్సవ సందర్భంగా    వాసవి క్లబ్    ఆధ్వర్యంలో.నోట్ బుక్స్ పంపిణీ..
Image
దీప దానం ఎలా చేయాలి* *****, *ఎప్పుడు చేయాలి*