ఆంధ్రప్రగతి గ్రామీణ బ్యాంకులో సోషల్ డిస్టెన్స్ కు చెల్లుచీటీ ..

ఆంధ్రప్రగతి గ్రామీణ బ్యాంకులో సోషల్ డిస్టెన్స్ కు చెల్లుచీటీ


.. వింజమూరు, మే 8 (రిపోర్టర్- దయాకర్ రెడ్డి): ప్రజలు సమదూరం పాటిస్తేనే కరోనా మహమ్మారిని కట్టడి చేయవచ్చునని ప్రభుత్వాలు, అధికారులు పదే పదే గొంతు చించుకుని ప్రకటనలు చేస్తున్నా క్షేత్ర స్థాయిలో పలుచోట్ల ప్రజలకు ఏ మాత్రం చెవికెక్కడం లేదు. నిర్లక్ష్యంగా వ్యవహరిస్తూ దారిన పోయే కరోనాను తమ దగ్గరకు ఆహ్వానిస్తున్నారు. ప్రధానంగా బ్యాంకుల వద్ద ఖాతాదారులు చాలా అప్రమత్తంగా ఉండాలని ప్రభుత్వాలు ఘోషిస్తున్నాయి. ఆంధ్రప్రగతి గ్రామీణ బ్యాంకులలో మాత్రం కరోనా నిబంధనలు అటకెక్కుతున్నాయి. వింజమూరు, చాకలికొండలలోని ఆంధ్రప్రగతి గ్రామీణ బ్యాంకులలో ఈ పరిస్థితులు బ్యాంకుల సిబ్బంది నిర్లక్ష్యానికి ప్రతీకలుగా నిలుస్తున్నాయి. బ్యాంకుల వద్ద చేతులు శుభ్రపరుచుకునేందుకు శానిటైజర్లు, సబ్బులు, డెటాల్ వంటి వాటిని సిద్దంగా ఉంచాలని ప్రభుత్వాలు స్పష్టమైన ఆదేశాలు జారీ చేశాయి. ఖాతాదారులు తప్పనిసరిగా మాస్కులు ధరించాలని కూడా చెప్పడం జరిగింది. అయితే ఆంధ్రప్రగతి గ్రామీణ బ్యాంకుల వద్ద మాత్రం కరోనా నియంత్రణ చర్యలు మచ్చుకైనా కనిపించడం లేదనే అభిప్రాయాలు వ్యక్తమవుతున్నాయి.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image