చార్లెస్ కాలనీలో కే.జి.ఆర్.వి.యస్ ట్రస్ట్ చే కూరగాయలు పంపిణీ

*చార్లెస్ కాలనీలో కే.జి.ఆర్.వి.యస్ ట్రస్ట్ చే కూరగాయలు పంపిణీ


వింజమూరు, మే 2 (అంతిమ తీర్పు-దయాకర్ రెడ్డి): వింజమూరు గ్రామ పంచాయితీ పరిధిలోని చార్లెస్ గిరిజన కాలనీవాసులకు శనివారం సాయంత్రం కొండా.గరుడయ్య, రామచంద్రయ్య, వెంకట సుబ్బయ్య (కే.జి.ఆర్.వి.యస్) చారిటబుల్ ట్రస్ట్ ప్రతినిధులు కూరగాయలు, మాస్కులు పంపిణీ చేశారు. ఈ సందర్భంగా తహసిల్ధారు సుధాకర్ రావు మాట్లాడుతూ ప్రస్తుత లాక్ డౌన్ సమయంలో వింజమూరు మండలంలో పలువురు దాతలు పేద, మధ్య తరగతి వర్గాల ప్రజలకు కూరగాయలు, వంట సరుకులు పంపిణీ చేయడం అభినందనీయమన్నారు. అందులో భాగంగా కొండా వారి కుటుంబసభ్యులు వారి కే.జి.ఆర్.వి.యస్ ట్రస్ట్ పేరిట నిరంతరాయంగా సేవలు అందించడం ప్రశంసించదగిన అంశమన్నారు. వై.సి.పి మండల కన్వీనర్ తిప్పిరెడ్డి.నారపరెడ్డి మాట్లాడుతూ కే.జీ.ఆర్.వి.యస్ ట్రస్ట్ బృందం ఈ విపత్కర పరిస్థితులలో తరచూ ఏదో ఒక ప్రాంతంలో పేద ప్రజలను గుర్తిస్తూ లాక్ డౌన్ విధించినప్పటి నుండి నేటి వరకు కూడా విస్తృతంగా నిత్యావసర వస్తువులు పంపిణీ చేస్తుండటం వారి దయాగుణం, దాతృత్వాలకు నిదర్శనమన్నారు. మాజీ మండలాధ్యక్షుడు గణపం.బాలక్రిష్ణారెడ్డి మాట్లాడుతూ కొండా వారి కుటుంబానికి ఆది నుండి కూడా నియోజకవర్గంలో మంచి పేరు ఉందని, ఈ కరోనా కాలంలో పేద ప్రజలను ఆదుకునేందుకు వారు అన్ని వర్గాల ప్రజలకు వేలాది రూపాయలు వెచ్చించి నిత్యావసరాలు పంపిణీ చేస్తుతుండటం పట్ల వారి కీర్తి ప్రతిష్టలు తారాస్థాయికి చేరాయన్నారు. కే.జీ.ఆర్.వి.యస్ ట్రస్ట్ ప్రతినిధులు మాట్లాడుతూ పేద ప్రజలకు సహాయం చేయడం ఎంతగానో తృప్తినిస్తున్నదన్నారు. లాక్ డౌన్ ముగిసే వరకు తమ సేవలు కొనసాగిస్తామని స్పష్టం చేశారు. ఈ కార్యక్రమంలో ట్రస్ట్ సభ్యులు కొండా.బాలసుబ్రహ్మణ్యం, కొండా.వెంకటేశ్వర్లు, కొండా.సుబ్బరాయుడు, కొండా.వెంకటేశ్వర్లు,  కొండా.వెంకట సుబ్బారావు, గంగిశెట్టి.హజరత్, చీతిరాల.సంతోష్ తదితరులు పాల్గొన్నారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image