*వింజమూరులో మద్యం షాపుపై నెల్లూరు ఎక్ష్సైజ్ దాడులు* కేసు నమోదు.... వింజమూరు, జూన్ 26 (అంతిమ తీర్పు-దయాకర్ రెడ్డి): వింజమూరులోని బంగ్లాసెంటర్ వద్ద రోడ్లు భవనాల శాఖ అతిధిగృహం ఎదురుగా ఉన్న మద్యం షాపుపై నెల్లూరు ఎక్షైజ్ ఎస్.ఐ కే.వి.ఆర్. ఆంజనేయులు నేతృత్వంలో ఆకస్మిక దాడులు నిర్వహించారు. ఈ సందర్భంగా నెల్లూరు ఎక్షైజ్ ఎస్.ఐ ఆంజనేయులు మాట్లాడుతూ బంగ్లాసెంటర్ నందు మద్యం దుకాణంలో ఒక బ్రాండ్ మద్యం బాటిళ్ళపై ముద్రించిన యం.ఆర్.పి ధరల కంటే అధికంగా 20 రూపాయలు వసూళ్ళు చేస్తున్నట్లు జిల్లా ఎక్షైజ్ సూపరింటెండెంట్ కు సమాచారం అందిందన్నారు. ఇ.ఎస్ ఆదేశాల మేరకు అకస్మిక దాడులు నిర్వహించడం జరిగిందన్నారు. ఇందులో భాగంగా ముందుగా తమ కానిస్టేబుల్ ను రహస్యంగా మద్యం షాపుకు కొనుగోలు నిమిత్తం పంపామన్నారు. షాపులో కౌంటర్ వద్ద నున్న ఉద్యోగులు సదరు మద్యం క్వార్టర్ బాటిల్ ధర 180 రూపాయలు యం.ఆర్.పి ఉన్నప్పటికీ అదనంగా మరో 20 రూపాయలు చెల్లించాలని 200 రూపాయలు వసూలు చేశారన్నారు. అంతేగాక ఒక వ్యక్తికి 3 బ్మద్యం బాటిళ్ళు మాత్రమే అందజేయాల్సి ఉండగా 5 బాటిళ్ళు ఇవ్వడం కూడా నేరంగా పరిగణిస్తున్నామన్నారు. షాపు నందు స్టాకును పరిశీలించడంతో పాటు అధిక ధరల విక్రయాలకు పాల్పడిన వారిపై కేసులు నమోదు చేయడం తధ్యమన్నారు. పూర్తి వివరాలతో నివేదికలు తయారుచేసి ఉన్నతాధికారులకు అందజేయనున్నామన్నారు. ఈ దాడులలో వింజమూరు ఎక్షైజ్ ఎస్.ఐ శ్రీనివాసరావు, వారి సిబ్బంది పాల్గొన్నారు.


Popular posts
*కలిగిరి కార్యదర్శి వి.మధు కు ఉత్తమ అవార్డు* ఉదయగిరి, ఆగష్టు 23 (అంతిమ తీర్పు- ఇంచార్జ్ దయాకర్ రెడ్డి): ఉదయగిరి నియోజకవర్గంలోని కలిగిరి పంచాయితీ కార్యదర్శి వెలుగోటి. మధు ఉత్తమ కార్యదర్శిగా ఎంపికయ్యారు. ఆగష్టు 15 స్వాతంత్ర్య దినోత్సవం సందర్భంగా ప్రకటించిన ఉత్తమ అధికారుల జాబితాలో మధు ముందు వరుసలో నిలిచారు. గత 4 సంవత్సరాల నుండి ఆయన అవార్డులకు ఎంపిక కాబడుతుండటం గమనించదగిన విషయం. పంచాయితీ సెక్రటరీగా కలిగిరిలో గ్రామ పంచాయితీ అభివృద్ధికి బంగారు బాటలు వేశారు. ఎంతోకాలంగా ఆక్రమణల చెరలో ఉన్న పంచాయితీ స్థలాలకు కబ్జా కోరల నుండి విముక్తి కల్పించి ప్రభుత్వానికి ఆదాయ వనరులను చూపించారు. కరోనా కాలంలో ప్రజలను ఎప్పటికప్పుడు అప్రమత్తం చేయడంతో పాటు పారిశుద్ధ్య కార్యక్రమాలను వేగవంతం చేశారు. ప్రతినెలా 1 వ తేదీన జరిగే ఫించన్ల పంపిణీ విషయంలో వెలుగోటి.మధు చేస్తున్న కృషి పలువురి ప్రశంసలు అందుకుంటున్నది. ఉదయం 7 గంటల కల్లా ఫించన్ల పంపిణీ లక్ష్యాలను అధిగమించి అందరి చేత బేష్ అనిపించుకుంటారు. వృత్తి పట్ల అంకితభావం కలిగిన మధును ఈ యేడాది కూడా ఉత్తమ కార్యదర్శి అవార్డు వరించడం అభినందనీయమని పలువురు హర్షం వ్యక్తం చేస్తున్నారు.
Image
శ్రీ‌వాణి ట్ర‌స్టు దాత‌ల కోసం ఆన్‌లైన్ అప్లికేష‌న్ ప్రారంభం
ఆంధ్ర ప్రదేశ్‌ రెవెన్యూశాఖ ఆధ్వర్యంలో ఇకపై ఆటో మ్యుటేషన్‌ సేవలు అమలు.
పౌష్ఠిక ఆహారం అందజేత
Image
ముఖ్యమంత్రి సహాయనిధి చెక్కు అందజేత
Image