*మొక్కజొన్న బస్తాల మాటున రేషన్ బియ్యం స్మగ్లింగ్* లారీని పట్టుకున్న పోలీసులు...... ఉదయగిరి, జూన్ 28 (అంతిమ తీర్పు-ఇంచార్జ్ దయాకర్ రెడ్డి): ప్రభుత్వం పేదలకు పంపిణీ చేసే రేషన్ బియ్యమును అక్రమార్కులు వివిద పద్దతులలో అక్రమంగా రవాణా చేస్తూనే ఉన్నారు. తాజాగా మొక్కజొన్న బస్తాల మాటున రేషన్ బియ్యాన్ని తరలిస్తూ పోలీసులకు చిక్కిన సంఘటన ఉదయగిరి ప్రాంతంలో చోటుచేసుకుంది. వివరాలలోకి వెళితే ఉదయగిరి మండలంలోని శకునాలపల్లి సమీపంలో మొక్కజొన్న బస్తాల మధ్యలో రేషన్ బియ్యం తరలిస్తున్నారనే సమాచారం స్థానిక పోలీసులుకు అందింది. వెంటనే అప్రమత్తమైన సి.ఐ ఉప్పాల.సత్యనారాయణ, ఎస్.ఐ జ్యోతిలు నిఘా ఉంచి బియ్యంతో పాటుగా లారీని స్వాధీనం చేసుకుని పోలీసు స్టేషన్ కు తరలించారు. విచారణ, పరిశీలన నిమిత్తం ఈ సమాచారమును విజిలెన్స్ అధికారులకు తెలిపామని సి.ఐ పేర్కొన్నారు. ఇదిలా ఉండగా ఉదయగిరి ప్రాంతంలో తరచూ ఏదో ఒక చోట అక్రమంగా రేషన్ బియ్యం లారీలు తరలుతూనే ఉన్నాయి. చౌక దుకాణాల నుండి పేదల బియ్యం పక్కదారి పట్టకుండా ఉండేందుకు నిరంతర నిఘా ఉంచాల్సిన సంబంధిత అధికారులు మామూళ్ళ మత్తులో జోగుతున్నారనే విమర్శలు బహిరంగ సత్యమే. ఆ శాఖ తీరు ' నిండా ఉన్న చేపల చెరువుకు కొంగల గుంపును కాపలా పెట్టిన ' చందంగా తయారైందని పలువురు పెదవి విరుస్తున్నారు. డీలర్ల వద్ద నుండి అక్రమార్కులు యధేచ్చగా బియ్యం నిల్వలను పొంది అక్రమ మార్గాల ద్వారా ఇతర రాష్ట్రాలకు తరలిస్తూ అక్రమార్జనకు పాల్బడుతున్నారు. లారీలు పట్టుబడిన సమయాలలో బియ్యం ఎక్కడి నుండి అక్రమంగా తరలుతున్నాయనే విషయాలు సంబంధిత రెవిన్యూ అధికారులకు తెలిసినా పట్టించుకున్న దాఖలాలు చాలా అరుదుగానే ఉంటున్నాయి.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image