: *ఓటు విచారణ పేరుతో ఇబ్బందులు పెట్టడం న్యాయమా...!* వింజమూరు, జూలై 6 (అంతిమ తీర్పు-దయాకర్ రెడ్డి): ఓట్లు విచారణ పేరుతో అధికారులు ఇబ్బందులు పెట్టడం న్యాయమా అని మండలంలోని చాకలికొండ పంచాయితీ పరిధిలోని పలువురు గ్రామస్థులు ఆవేదన వ్యక్తం చేశారు. కరోనా వైరస్ విస్తరిస్తున్న తరుణంలో అధికారుల నోటీసులకు వివరణ ఇచ్చేందుకు దూర ప్రాంతాల నుండి వచ్చామని, చివరికి వాయిదా వేయడంతో మా పరిస్థితి ఏంటని వారు అధికారులను ప్రశ్నిస్తున్నారు. వివరాలలోకి వెళితే చాకలికొండ పంచాయితీ పరిధిలోని చాకలికొండ, గోళ్ళవారిపల్లి, బత్తినవారిపల్లి, పోలినాయుడుపల్లి గ్రామాలకు చెందిన పలువురు స్థానికంగా ఉండటం లేదని, వారి ఓట్లును తొలగించాలని ఆయా గ్రామాలకు చెందిన పలువురు ఫారం-7 ద్వారా ఫిర్యాదు చేశారు. వీటిపై తహసిల్ధారు దాదాపుగా 231 మందికి నోటీసులు జారీ చేయడంతో పాటు ఈ నెల 6 వ తేదీ సోమవారం విచారణకు హాజరు కావాలని ఆదేశాలు జారీ చేశారు. దీంతో కొంతమంది ఆదివారం సాయంత్రం నాటికి స్వగ్రామాలకు చేరుకున్నారు. అయితే ఆదివారం సాయంత్రం 6 వ తేదీ నిర్వహించనున్న విచారణను వాయిదా వేస్తున్నామని అధికారులు ప్రకటించారు. దీంతో ఖంగుతిన్న గ్రామస్థులు తహసిల్ధారు వద్దకు చేరుకుని ఈ సమయంలో ఇబ్బందులు పెడితే ఎలాగని ప్రశ్నించారు. గిట్టనివారు రాజకీయ స్వార్ధ ప్రయోజనాల కోసం చేస్తున్న ప్రయత్నాలపై తాము న్యాయస్థానాలను ఆశ్రయించనున్నామని స్పష్టం చేశారు. ఇలాంటి కక్ష్యపూరిత విధానాలు పచ్చనిపల్లెల్లో విష సంస్కృతికి బీజాలు వేసే ప్రమాదం ఉందని, ఇది మంచి పద్ధతి కాదని హితువు పలికారు. ఈ విషయాలన్నింటిపై తాము కోర్టుకు వెళతామని తేల్చి చెప్పారు. ప్రజల చేత శెభాష్ అనిపించుకుని ఎన్నికలలో ప్రజాదరణ పొందాలే తప్ప దొడ్డిదారిలో ప్రతిపక్ష ఓటర్లును తొలగించి గెలవాలనుకోవడం సిగ్గులేని చర్యగా అభివర్ణించారు. కోవిడ్-19 మహమ్మారి విస్తరిస్తున్న సమయంలో ఇతర రాష్ట్రాలు, జిల్లాల నుండి తమను విచారణ పేరుతో స్వగ్రామాలకు పిలిపించి విచారణను వాయిదా వేయడం, మరలా రావాలని అధికారులు చెప్పడంలో ఆంతర్యమేమిటని వారు ఆవేదన చెందారు. జీవనభృతి కోసం ఇతర ప్రాంతాలకు వలసలు వెళ్ళామని, ఓట్లు తొలగించాలని చూడటం దారుణమన్నారు. ఈ విషయాలన్నింటినీ క్షుణ్ణంగా పరిశీలిస్తున్నామని, ఉన్నతాధికారుల దృష్టికి తీసుకెళ్ళడంతో పాటు న్యాయ నిపుణుల సలహాలతో ముందుకు సాగుతామని గ్రామస్థులు తెలియజేశారు.


Popular posts
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
ఆదిశేషయ్య కు జన్మదిన శుభాకాంక్షలు తెలిపిన శ్రావణ్ కుమార్ ...
Image
87 మంది సినిమా జ‌ర్న‌లిస్టులైన ఫిల్మ్ క్రిటిక్స్ అసోసియేష‌న్ స‌భ్యుల‌కు ఐదువేలు చేయూత‌
Image
సింగపూర్‌: నాలుగు అంశాలను పునాదులుగా చేసుకుని సమగ్రాభివృద్ధికోసం ఆంధ్రప్రదేశ్‌లో ప్రణాళికలు
భోజన ప్యాకెట్లు పంపిణీ చేసిన టి.డి.పి నేతలు
Image