పాత్రికేయ వృత్తిని గౌర‌వించుకుందాం... * ఉత్త‌మ పాత్రికేయుల‌కు స‌త్కారం * విద్యాధ‌ర‌పురం వాస‌వీ క్ల‌బ్ ప్ర‌ధాన కార్య‌ద‌ర్శి పేర్ల శ్యామ్‌కుమార్ విజ‌య‌వాడ‌‌: పౌర స‌మాజంలో జ‌రుగుతున్న అక్ర‌మాల‌ను సాహ‌సోపేతంగా వెలికితీస్తున్న పాత్రికేయ వృత్తిని గౌర‌వించ‌డం పౌర స‌మాజం ప్ర‌ధాన బాధ్య‌త అని వాస‌వీ క్ల‌బ్ ఆఫ్ విద్యాధ‌ర‌పురం ప్ర‌ధాన కార్య‌ద‌ర్శి పేర్ల శ్యామ్‌కుమార్ అన్నారు. వాస‌వీ క్ల‌బ్ ఇంట‌ర్నేష‌న‌ల్ వ్య‌వ‌స్థాప‌కులు కేసీ గుప్తా జ‌యంతి సంద‌ర్భంగా ఏటా సెప్టెంబ‌రు 6న జ‌ర్న‌లిస్ట్ డే గా జ‌రుపుకోవడం ఆన‌వాయితీగా వ‌స్తుంది. ఈ సంద‌ర్భంగా వారోత్స‌వాల‌ను నిర్వ‌హిస్తున్న విద్యాధ‌ర‌పురం వాస‌వీ క్ల‌బ్ ఆధ్వ‌ర్యంలో జ‌ర్న‌లిస్ట్ డే ను పుర‌స్క‌రించుకుని ప్ర‌జ‌ల‌కు, ప్ర‌భుత్వానికి న‌డుమ వార‌ధిగా ప‌నిచేస్తున్న ప‌లువురు సీనియ‌ర్ జ‌ర్న‌లిస్టులనుకు ఆదివారం గుప్తా సెంట‌ర్‌లోని క‌న్య‌కా ప‌ర‌మేశ్వ‌రీ స‌త్రంలో ఏర్పాటు చేసిన కార్య‌క్ర‌మంలో ఘ‌నంగా స‌త్క‌రించారు. అనంత‌రం విద్యాధ‌ర‌పురం వాస‌వీ క్ల‌బ్ ప్ర‌ధాన కార్య‌ద‌ర్శి పేర్ల శ్యామ్‌కుమార్ మాట్లాడుతూ నిత్యం స‌మాజంలో అంద‌రి సేవ‌ల‌ను ప్ర‌జ‌ల‌కు తెలియ‌జేస్తున్న జ‌ర్న‌లిస్టుల సేవ‌లు మ‌రువ‌లేనివ‌న్నారు. మునుపెన్న‌డూ చూడ‌ని క‌రోనా వంటి విప‌త్తు స‌మ‌యంలో కూడా ప్రాణాల‌ను సైతం లెక్క‌చేయ‌కుండా అంకిత‌భావంతో విధులు నిర్వ‌హిస్తున్న జ‌ర్న‌లిస్టుల‌ను కేంద్ర‌, రాష్ట్ర ప్ర‌భుత్వాలు ఆదుకోవాల‌ని కోరారు. ముఖ్యంగా ఈ స‌మ‌యంలో సేవ‌లందిస్తున్న వైద్యులు, పారిశుద్ధ్య కార్మికులు, పోలీసుల‌‌తో పాటు జ‌ర్న‌లిస్టుల‌ను కూడా క‌రోనా వారియర్స్‌గా గుర్తించి రూ.50 ల‌క్ష‌ల ప్ర‌మాద బీమాను వ‌ర్తింప‌జేయాల‌ని ప్ర‌భుత్వాల‌కు విజ్ఞ‌ప్తి చేశారు. ఈ సంద‌ర్భంగా వాస‌వీ క్ల‌బ్ విద్యాధ‌ర‌పురం ఆధ్వ‌ర్యంలో రెండు ద‌శాబ్ధాల‌కు పైబ‌డి జ‌ర్న‌లిజం విలువ‌లుకు క‌ట్టుబ‌డి ప‌నిచేస్తున్న సీనియ‌ర్ జ‌ర్న‌లిస్ట్ట్ కొంకిమ‌ళ్ళ శంక‌ర్‌, డెక్క‌న్ క్రానిక‌ల్ సీనియ‌ర్ ఫొటో జ‌ర్న‌లిస్ట్ ‌సీహెచ్ నారాయ‌ణ‌రావు, ఆంధ్ర‌ప‌త్రిక సీఈవో వ‌ల్ల‌భ‌దాసు మాధ‌వ‌రావు, హ‌న్స్ ఇండియా ఫొటొ జ‌ర్న‌లిస్ట్ మ‌స్తాన్‌, ఇండియా టీవీ ప్ర‌తినిధి దేసు మోహ‌న్‌కుమార్‌ల‌ను శాలువా క‌ప్పి ఘ‌నంగా స‌త్క‌రించారు. కార్య‌క్ర‌మంలో క్ల‌బ్‌ కోశాధికారి కోట న‌ర‌సింహ‌రావు, స‌భ్యులు ఆల‌మూరి ఉపేంద్ర‌రావు త‌దిత‌రులు పాల్గొన్నారు.


Popular posts
విజయవాడలో కొత్త ట్రాపిక్ సిగ్నల్ వ్యవస్థ
*శాంతి భద్రతల పరిరక్షణ కోసం అందరం కృషి చేద్దాం..* నూతన సి.ఐ శ్రీనివాసరావు... ఉదయగిరి, జూలై 31 (అంతిమ తీర్పు-ఇంచార్జ్ దయాకర్ రెడ్డి): ప్రజలందరూ కూడా ప్రశాంత వాతావరణములో జీవన ప్రమాణాలు కలిగి ఉండే విధంగా అందరం శాంతి భద్రతల పరిరక్షణ దిశగా ముందుకు సాగుదామని ఉదయగిరి నియోజకవర్గంలోని కలిగిరి నూతన సి.ఐగా భాద్యతలు చేపట్టిన జి.ఎల్.శ్రీనివాసరావు పిలుపునిచ్చారు. గత సి.ఐ రవికిరణ్ స్థానంలో శ్రీనివాసరావు నియామకం జరిగింది. ఈ సందర్భంగా ఆయన మాట్లాడుతూ కలిగిరి, వింజమూరు, కొండాపురం మండలాలలో శాంతి భద్రతల పరిరక్షణకు ప్రజల భాగస్వామ్యంతో నిర్విరామంగా కృషి చేయనున్నామన్నారు. అసాంఘిక కార్యకలాపాలను ఉపేక్షించేది లేదన్నారు. అక్రమ మద్యం విక్రయాలు, బెల్టు షాపులు, పేకాట, కోడి పందేలు, నిషేదిత గుట్కా విక్రయాలపై ఉక్కుపాదం మోపనున్నామని సి.ఐ శ్రీనివాసరావు స్పష్టం చేశారు. ప్రస్తుతం ఎటు చూసినా కరోనా వైరస్ విస్తరిస్తున్నందున ప్రజలందరూ కూడా కోవిడ్-19 నిబంధనలకు అనుగుణంగా నడుచుకోవాలన్నారు. ప్రభుత్వాలు ప్రజల సం రక్షణ కోసమే పనిచేస్తాయనే విషయమును ప్రతి ఒక్కరూ గుర్తించుకోవాలన్నారు. కంటైన్మెంట్ జోన్లులో అధికారుల సూచనలు, సలహాలు పాటిస్తూ కరోనా వైరస్ నియంత్రణ దిశగా తగు జాగ్రత్తలు వహించాలని ఈ సందర్భంగా సి.ఐ శ్రీనివాసరావు ప్రజలకు విజ్ఞప్తి చేశారు.
Image
ఆర్టీసీలో 1000 ఎలక్ట్రిక్‌ బస్సులు
శ్రీశైలం ప్రాజెక్ట్ నీటి ఉదృతి
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం