*వింజమూరు వై.సి.పి లో ఎవరికి వారే యమునా తీరే....! వింజమూరు, సెప్టెంబర్ 8 (అంతిమ తీర్పు-దయాకర్ రెడ్డి): వింజమూరు వై.యస్.ఆర్ కాంగ్రెస్ పార్టీలో ప్రధాన నేతల మధ్య నెలకొన్న అంతర్గత విభేధాలు నివురు గప్పిన నిప్పులా మారాయి. రాష్ట్ర పార్టీ పిలుపునిచ్చిన ప్రత్యేక కార్యక్రమాలలో మాత్రం నేతలు మొక్కుబడిగా పాల్గొంటూ మమ అనిపిస్తున్నారు. ఈ పరిణామాలతో మండలంలోని ద్వితీయ శ్రేణి నాయకులు, కార్యకర్తలలో అయోమయ పరిస్థితులు నెలకొన్నాయి. ఒక్క మాటలో చెప్పాలంటే మండల వై.యస్.ఆర్ కాంగ్రెస్ పార్టీలో మూడు గ్రూపులు-ఆరు వర్గాలు రాజ్యమేలుతున్నాయి. సుదీర్ఘ విరామం అనంతరం వై.యస్.ఆర్ కాంగ్రెస్ పార్టీ అభిమానులు తలచిన యువనేత వై.యస్.జగన్ మోహన్ రెడ్డి అధికార పీఠంపై ఆసీనులైనప్పటికీ స్థానిక నేతల మధ్య నెలకొన్న అభిప్రాయ భేధాలు కార్యకర్తలకు కంటి మీద కునుకు లేకుండా చేస్తున్నాయనడంలో ఏ మాత్రం సందేహం లేదేమో...! ఉదయగిరి శాసనసభ్యులు సైతం ఈ నేతల మధ్య సయోధ్య కుదర్చడంలో వైఫల్యం చెందారనే గుసగుసలు క్షేత్ర స్థాయిలో రెక్కలు విప్పి నాట్యం చేస్తున్నాయి. ప్రధమంగా మేకపాటి సోదరులకు ఆది నుండి కూడా రాజకీయ రంగంలో వెన్నుదన్నుగా నిలుస్తున్న మాజీ మండలాధ్యక్షుడు, మాజీ సర్పంచ్ గణపం.బాలక్రిష్ణారెడ్డి సార్వత్రిక ఎన్నికలకు ముందు తీసుకున్న కొన్ని నిర్ణయాలు ప్రస్తుత పరిస్థితులలో ఆయనకు శాపాలుగా మారాయి. దాదాపుగా 4 దశాబ్ధాల పాటు వింజమూరు రాజకీయాలలో మకుటం లేని మహారాజులా ఒక వెలుగు వెలిగిన ఆయన ప్రస్తుతం అధికార పార్టీలోనే కొనసాగుతున్నప్పటికీ తమ తమ వర్గీయుల పనులు మాత్రం చక్కబెట్టుకోలేక పోతున్నారు. అయితే ఆయన విలక్షణ శైలి మాత్రం నేటికీ ప్రజల ఆదరాభిమానాలు పొందుతూనే ఉంది. వై.సి.పిలో బాలక్రిష్ణారెడ్డికి తగిన ప్రాధాన్యతను నియోజకవర్గ రాజు ఇవ్వకపోయినప్పటికీ మండలంలో సమాంతర ప్రభుత్వాన్ని నడిపిస్తున్నారనడంలో అతిశయోక్తి లేదు. ఇక సార్వత్రిక ఎన్నికలకు కొద్ది నెలల ముందు వై.సి.పి తీర్ధం పుచ్చుకున్న సివిల్ ఇంజనీరు పల్లాల.కొండారెడ్డి ప్రస్తుతం వింజమూరు మండల వై.యస్.ఆర్ కాంగ్రెస్ పార్టీకి దిక్కుగా మారి పెద్దన్న పాత్ర పోషిస్తున్నారు. మండల పార్టీలో రగులుతున్న వర్గాల కుంపటిని మోస్తూ ముళ్ళబాటలో పయనిస్తూ పార్టీని భారంగా ముందుకు పయనింపజేస్తున్నారు. పల్లాల.కొండారెడ్డి శ్రమను గుర్తించిన యం.యల్.ఏ మేకపాటి.చంద్రశేఖర్ రెడ్డి ఈ యేడాది మార్చి నెలలో నిర్వహించతలపెట్టిన సార్వత్రిక ఎన్నికలలో కొండారెడ్డికి పెద్దపీట వేస్తూ వై.సి.పి తరపున ఏకంగా యం.పి.పి అభ్యర్ధిగా ప్రకటించి తన రాజనీతిని చాటుకున్నారు. ఇదిలా ఉండగా అసెంబ్లీ ఎన్నికల అనంతరం వై.సి.పి అధికారంలోకి వచ్చాక యం.యల్.ఏ ఒక వర్గానికి చెందిన బలమైన నేత మాజీ జడ్.పి.టి.సి సభ్యులు తిప్పిరెడ్డి.నారపరెడ్డిని పార్టీలోకి ఆహ్వానించి వై.సి.పి మండల కన్వీనర్ పదనిని కట్టబెట్టి పార్టీ కండువాను మెడలో వేసి బంధం వేశారు. అప్పటి నుండి నారపరెడ్డి పార్టీ అభ్యున్నతికి కృషి చేస్తున్నా ఆయనకు తగిన ప్రాధాన్యత లభించడం లేదు. బలమైన ఓటు బ్యాంకు కలిగి ఉన్నప్పటికీ తనకు అధికారుల వద్ద సముచిత స్థానం ఉండటం లేదనే మనోవ్యధ ఆయనను నిరంతరం క్షోభకు గురి చేస్తూనే ఉంది. ఈ పరిణామాలతో వింజమూరులో వై.సి.పి పరిస్థితి కుడితిలో పడ్డ ఎలుక సామెతలా, చుక్కాని లేని నావలా మారింది. ఇప్పటికైనా యం.యల్.ఏ మేకపాటి.చంద్రశేఖర్ రెడ్ది చొరవ తీసుకుని ఈ నేతలను ఒక్క తాటిపైకి తెస్తే తప్ప రానున్న స్థానిక సంస్థల ఎన్నికలలో చాపక్రింద నీరులా విస్తరిస్తున్న అదృశ్య శక్తితో పోరాటం అసాధ్యమేనని సర్వత్రా చర్చలు ఊపందుకుంటున్నాయి.
• Valluru Prasad Kumar


Popular posts
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
• Valluru Prasad Kumar
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
• Valluru Prasad Kumar
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
• Valluru Prasad Kumar
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
• Valluru Prasad Kumar
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
• Valluru Prasad Kumar
Image