గెజిట్‌ ఇవ్వకపోతే 100 రోజుల పాలన ఎక్కడ నుంచి చేశారు..?

తేది 08-09-2019

రాజధాని అంటే వోక్స్‌ వ్యాగన్‌  కాదు
గెజిట్‌ ఇవ్వకపోతే 100 రోజుల పాలన ఎక్కడ నుంచి చేశారు..?
బొత్స అనుమానాలకు డిసెంబర్‌ 30, 2014న విడుదల చేసిన గెజిట్‌ నోటిఫికేషనే సమాధానం
        - అనగాని సత్యప్రసాద్‌, శాసనసభ్యులు


 రాష్ట్ర ప్రజలకు పనికొచ్చేవి కూలగొట్టడం, రాష్ట్ర ప్రతిష్టను చెడగొట్టడం అన్న విధంగా సీఎం జగన్మోహన్‌రెడ్డి, మంత్రి బొత్స సత్యనారాయణ పోటీపడి మరీ పనిచేస్తున్నారు. వైసీపీ వైఫల్యాలను కప్పి పుచ్చుకునేందుకు ముఖ్యమంత్రి జగన్మోహన్‌రెడ్డి ప్రతిసారి వ్యూహాత్మకంగా బొత్స సత్యనారాయణ ద్వారా రాజధాని అంశం తెరపైకి తెస్తున్నారు. గతంలో వరద వైఫల్యాలు, ఇప్పుడు 100 రోజుల పాలన వైఫల్యాల్ని.. ఇలా తమ తప్పుల్ని కప్పిపుచ్చే ప్రతి సందర్భంలోనూ రాజధాని గూర్చే బొత్స మాట్లాడుతున్నారు. రాజధాని అంటే బొత్స అవినీతికి భయపడి పారిపోయిన వోక్స్‌ వ్యాగన్‌ కంపెనీ కాదన్న విషయం ఆయన గుర్తుంచుకోవాలి. రాజధానిపై ఒకసారి అవినీతి మరక, మరోసారి వరద బురద ఇలా రకరకాల ప్రకటనలు చేస్తూ చివరకు ప్రాంతాల మధ్య చిచ్చుపెట్టి చలికాచుకునే ప్రయత్నం చేస్తున్నారు. 
 రాజధానిపై గెజిట్‌ ఇవ్వలేదంటున్నారు. గెజిట్‌ ఇవ్వకపోతే వైసీపీ 100 రోజుల పాలన ఎక్కడ నుంచి చేశారు..? లోటస్‌పాండ్‌ నుంచా..? లేక ఇడుపులపాయ నుంచా..?  బొత్స సమాధానం చెప్పాలి. రాజధానిపై డిసెంబర్‌ 30, 2014 నాడే రాష్ట్ర ప్రభుత్వం గెజిట్‌ నోటిఫికేషన్‌ విడుదల చేయడం జరిగింది. అదే రోజు విడుదల చేసిన జీవో నెం.254లోనూ గెజిట్‌ గూర్చి రాష్ట్ర ప్రభుత్వం స్పష్టంగా ప్రస్తావించడం జరిగింది. అలాంటప్పుడు బాధ్యతాయుతమైన మంత్రి స్ధాయిలో ఉన్న బొత్స ఈ విధంగా ఎలా మాట్లాడుతారు..? రాజధానిపై మీరు చేస్తున్న దుష్ప్రచారాలతో పరిశ్రమలు తరలిపోతూ.. యువత ఉపాధి కోల్పోయే పరిస్థితి దాపురిస్తోంది. మీ వైఖరితో 5 కోట్ల ప్రజల కలలకు గండికొడుతున్నారు. ఏదైనా కీలక అంశంపై ప్రజల్లో గందరగోళం ఉన్నప్పుడు.. ప్రభుత్వం వెంటనే స్పందించాలి. స్పష్టమైన ప్రకటన చేయాలి. కానీ రాజధాని అమరావతి విషయంలో ఎందుకీ గందరగోళం..? విషయాన్ని సూటిగా సుత్తిలేకుండా చెప్పేందుకు ప్రభుత్వం ఎందుకు జంకుతోంది..? అభివృద్ధిపై చర్చ జరగాల్సిన ఈ రోజుల్లో.. అమరావతిపై చర్చ జరుగుతుండటం ఆంధ్రప్రదేశ్‌ ప్రజల దురదృష్టకరం. 
 గత కొద్దిరోజులుగా మంత్రి బొత్స సత్యనారాయణ వివిధ సందర్భాల్లో వివిధ రకాలైన వ్యాఖ్యలు చేస్తూ.. ప్రజల్లో తీవ్ర గందరగోళం సృష్టిస్తున్నారు. సీఎం మాట్లాడాల్సిన అంశంపై మాటిమాటికీ బొత్స సత్యనారాయణ ఎందుకు మాట్లాడుతున్నారన్నది ప్రజల నుంచి వస్తున్న ప్రశ్న. రాజధాని అంశంపై ప్రజలు ఆందోళన చెందుతున్నా.. ముఖ్యమంత్రి కనీసం వివరణ ఇవ్వకపోవటం బాధాకరం. ఇలాంటి ముఖ్యమంత్రి రాష్ట్రానికి అవసరమా అనే భావన ప్రజల్లో కల్గుతోంది. ఇప్పటికైనా ముఖ్యమంత్రి మౌనం వీడి రాజధానిపై స్పష్టమైన ప్రకటన చేయాలి. లేకుంటే ప్రజా ఉద్యమం మొదలవుతుంది. 



             SD/-
          (అనగాని సత్యప్రసాద్‌) 
           రేపల్లె శాసనసభ్యులు


Popular posts
87-88 పదవ తరగతి బ్యాచ్ విద్యార్థుల కలయిక
Image
*పేదలకు వరప్రసాదినిలా 108, 104 సేవలు* తిప్పిరెడ్డి.నారపరెడ్డి..... వింజమూరు, జూలై 1 (అంతిమ తీర్పు-దయాకర్ రెడ్డి): ముఖ్యమంత్రి వై.యస్.జగన్ మోహన్ రెడ్డి బుధవారం ఉదయం లాంచనంగా ప్రారంభించిన 108, 104 అంబులెన్సు వాహనాలు పేద వర్గాల ప్రజలకు వరప్రసాదినిగా మారనున్నాయని మండల వై.సి.పి కన్వీనర్ తిప్పిరెడ్డి.నారపరెడ్డి అన్నారు. ఈ మేరకు ఆయన విలేకరులతో మాట్లాడుతూ ఎన్నికలకు ముందు వై.యస్.జగన్ మోహన్ రెడ్డి తన పాదయాత్రలో భాగంగా రాష్ట్రంలో వై.సి.పి ప్రభుత్వం అధికారంలోకి వచ్చాక పేద, మధ్య తరగతి వర్గాల ప్రజలకు అందుబాటులో ఉండే విధంగా 108, 104 సేవలను విస్తరించనున్నామని హామీ ఇచ్చిన విషయం అందరికీ తెలిసిందేనన్నారు. ఈ నేపధ్యంలో దాదాపుగా 201 కోట్ల రూపాయల నిధులను వెచ్చించి 1088 అంబులెన్సు వాహనాలను విజయవాడలోని బెంజి సర్కిల్ కూడలి వద్ద ప్రారంభించడం అభినందనీయమని నారపరెడ్డి కొనియాడారు. దివంగత మహానేత డాక్టర్ వై.యస్.రాజశేఖర్ రెడ్డి పేద ప్రజలకు మెరుగైన వైద్య సేవలు అందించేందుకు నాడు ఆరోగ్యశ్రీతో పాటు 108 వాహనాలను అందుబాటులోకి తేవడం జరిగిందన్నారు. కాలక్రమేణా 108 వాహనాల వ్యవస్థ మరుగున పడి వాటి మనగడే ప్రశ్నార్ధకంగా మారిందన్నారు. ఈ పరిస్థితులను దృష్టిలో ఉంచుకుని ముఖ్యమంత్రి జగన్ తండ్రి బాటలో పయనిస్తూ ఒకేసారి 1088 అంబులెన్సు వాహనాలను ప్రజలకు సేవ చేసేందుకు ప్రారంభించి అటు తండ్రి ఆశయాలను నెరవేరుస్తూ ఇటు ఆపదలలో ఉన్నవారికి ఆపద్భాంధవునిలా నిలిచారన్నారు. ఉదయగిరి శాసనసభ్యులు మేకపాటి.చంద్రశేఖర్ రెడ్డి సహకారంతో ఈ అంబులెన్సు వాహనాలు త్వరలోనే ఉదయగిరి నియోజకవర్గంలోని అన్ని మండలాలకు కేటాయించనున్నారని నారపరెడ్డి తెలియజేశారు. ప్రజల సం క్షేమమే ధ్యేయంగా పనిచేస్తున్న యువ ముఖ్యమంత్రి వై.యస్.జగన్ మోహన్ రెడ్డి తన ఎన్నికల మేనిఫెస్టోలో ప్రకటించిన పధకాలతో పాటు అదనంగా కొత్త పధకాలకు శ్రీకారం చుడుతుండటం గొప్ప విషయమన్నారు. రాష్ట్రం లోటు బడ్జెట్ లో ఉన్నప్పటికీ ప్రజల సం క్షేమమే లక్ష్యంగా సుపరిపాలన అందిస్తున్న సి.యం జగన్ ఇతర రాష్ట్రాల ముఖ్యమంత్రులకు ఆదర్శంగా నిలుస్తున్నారని తిప్పిరెడ్డి.నారపరెడ్డి హర్షం వ్యక్తం చేశారు.
Image
హర్జిత్ సింగ్ పోరాట పటిమ పోలీసు శాఖ కు ఆదర్శం : డి‌జి‌పి గౌతమ్ సవాంగ్ IPS
Image
చనిపోయాక కూడా ఆవ్యక్తికి మనశ్శాంతి లేకుండా దుష్ప్రచారమా?
గుండెపోటుతో మరణించిన వాలంటీర్ కుటుంబానికి రూ. 5 లక్షల పరిహారం: సీఎం  వైయస్.జగన్
Image