ఊపిరి పీల్చుకున్న వింజమూరు మండల వాసులు


వింజమూరు, ఏప్రిల్ 29 (అంతిమ తీర్పు-దయాకర్ రెడ్డి): గత నాలుగు రోజుల నుండి ఎంతో ఉత్కంఠతతో వింజమూరు మండల ప్రజలు ఎదురు చూస్తున్న కరోనా రిపోర్టులు ఎట్టకేలకు నిర్ధారణ కావడంతో మండల ప్రజలు హమ్మయ్య అని ఊపిరి పీల్చుకున్నారు. ఇటీవల క్వారంటైన్ కు తరలించిన ఇద్దరికి కరోనా నెగెటివ్ రిపోర్టులు వచ్చాయని ప్రభుత్వ వైధ్యాధికారి హరిక్రిష్ణ వెల్లడించారు. వివరాలలోకి వెళితే మండలంలోని కాటేపల్లి గ్రామానికి చెందిన సుభాషిణి, వింజమూరులోని కొత్తూరు ప్రాంతానికి చెందిన అంకిరెడ్డిలకు కరోనా లక్షణాలు ఉన్నాయనే అనుమానంతో అధికారులు వారిద్దరినీ వేర్వేరుగా క్వారంటైన్ సెంటర్లకు తరలించారు. సుభాషిణి ఇటీవల కరోనా వైరస్ బారిన పడి చెన్నైలో మృతి చెందిన సత్యనారాయణ రెడ్డి అనే వైద్యుడి దగ్గర గతంలో ట్రీట్ మెంట్ చేయించుకున్నారని, అంకిరెడ్డి మాత్రం కొండాపురం మండలం పార్లపల్లి గ్రామంలో కరోనా పాజిటివ్ సోకిన వ్యక్తులతో కలిసి ప్రయాణం చేశారనే సమాచారంతో ముందు జాగ్రత్త చర్యలుగా అధికారులు వీరిద్దరినీ క్వారంటైన్ నందు ఉంచి వారి నుండి సేకరించిన నమూనాలను ల్యాబ్ లకు పంపించారు. పూర్తి స్థాయిలో పరిశీలించిన అనంతరం ఇద్దరికీ కరోనా నెగిటివ్ రిపోర్టులు వచ్చినట్లు చాకలికొండ ప్రభుత్వ వైధ్యాధికారి హరిక్రిష్ణ తెలియజేశారు. కాగా వింజమూరులో ఈ 4 రోజుల వ్యవధిలో పలు రకాల పుకార్లు జోరుగా షికార్లు చేశాయి. ఇతర ప్రాంతాలలోని రెడ్ జోన్ల నుండి వచ్చిన వారిని అధికారులు క్వారంటైన్లకు తరలిస్తే చాలు వారికి పాజిటివ్ అని ఎవరికి వారే చర్చించుకుంటూ అందరిలో ఉత్కంఠభరిత వాతావరణమును కల్పిస్తున్నారు. గతంలో స్టేట్ బ్యాంక్ ప్రాంతానికి చెందిన ఒకరికి కరోనా పాజిటివ్ అని ఏకంగా ఒక ప్రభుత్వ ఉపాధ్యాయుడే సోషల్ మీడియాలో పోస్టులు చేయడంతో ప్రజలు భయకంపితులయ్యారు. ఆ సమయంలో అతనికి నెగిటివ్ రిపోర్టులు రావడంతో ప్రజలలో భయాందోళనలు వీడాయి. మరలా ఇటీవల వరుస ఘటనలతో ప్రజలు మరొకసారి ఉలిక్కిపడ్డారు. ఏది ఏమైనప్పటికీ ఈ రెండు ఘటనలలో నెగిటివ్ రిపోర్టులే రావడంతో వింజమూరు ప్రజలు తమ అదృష్టంగా భావిస్తున్నారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image