భోజన ప్యాకెట్లు పంపిణీ చేసిన టి.డి.పి నేతలు

భోజన ప్యాకెట్లు పంపిణీ చేసిన టి.డి.పి నేతలు riవింజమూరు, ఏప్రిల్ 13 (అంతిమతీర్పు-దయాకర్ రెడ్డి): వింజమూరు తెలుగుదేశం పార్టీ నేతలు సోమవారం నాడు పలు ప్రభుత్వ శాఖల విభాగాలలో పని చేస్తున్న సిబ్బందికి భోజనాల ప్యాకెట్లు అందజేశారు. స్థానిక తహసిల్ధారు కార్యాలయం వద్ద తహసిల్ధారు సుధాకర్ రావు, ఎస్.ఐ బాజిరెడ్డిల చేతుల మీదుగా పారిశుద్ధ్య కార్మికులు, రెవిన్యూ సిబ్బంది, వైద్య ఆరోగ్య శాఖ సిబ్బంది, పోలీసు సిబ్బంది, జర్నలిస్టులకు ఈ భోజన ప్యాకెట్లును పంపిణీ చేశారు. ఈ సందర్భంగా తెలుగుదేశం పార్టీ మండల కన్వీనర్ చల్లా.వెంకటేశ్వర్లు యాదవ్ మాట్లాడుతూ కరోనా వైరస్ నియంత్రణలో భాగంగా ప్రధానమంత్రి నరేంద్రమోదీ జనతా కర్ఫ్యూ, లాక్ డౌన్ ప్రకటించి ఈ వైరస్ వ్యాప్తిని కొంతమేర నియంత్రించినట్లయినదన్నారు. లేని పక్షంలో అగ్ర రాజ్యాల మాదిరిగా మన దేశం కూడా ప్రమాదకర పరిస్థితులను ఎదుర్కొనాల్సి వచ్చేదన్నారు. ప్రధానమంత్రి ముందుచూపు ధోరణి అభినందనీయమన్నారు. ఇందులో భాగంగా ప్రతినిత్యం ప్రజల సం రక్షణ దిశగా కృషి చేస్తున్న ప్రభుత్వ శాఖల సిబ్బందికి ఉదయగిరి మాజీ శాసనసభ్యులు బొల్లినేని.వెంకటరామారావు సూచనల మేరకు భోజనాలు అందజేయడం జరిగిందన్నారు. ఈ కార్యక్రమంలో టి.డి.పి నేతలు ఖాజావలి, యన్నం.రామచంద్రారెడ్డి, గూడా.నరసారెడ్డి, గురజాల.వాసు, కోడూరు.నాగిరెడ్డి, మంచాల.శ్రీనివాసులు నాయుడు, ఎస్.కే.షరీఫ్, గంగపట్ల.హజరత్తయ్య, చల్లా.శ్రీనివాసులు యాదవ్, ఆరికొండ.శ్రీనివాసులు, బద్దిక.సుబ్బయ్య తదితరులు పాల్గొన్నారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image