*కోవిడ్-19 పై వాలంటీర్ చే అవగాహనా సదస్సు* వింజమూరు, జూలై 12 (అంతిమ తీర్పు-దయాకర్ రెడ్డి): వింజమూరు గ్రామ పంచాయితీ పరిధిలో మజరా గ్రామమైన బొమ్మరాజుచెరువులో కరోనా వైరస్ నియంత్రణకు గ్రామ వాలంటీర్ తెలదాల.రవి ఆదివారం సాయంత్రం గ్రామస్థులకు అవగాహనా సదస్సు నిర్వహించారు. యం.పి.డి.ఓ కనకదుర్గా భవానీ ఆదేశాలు, సూచనల మేరకు గ్రామస్థులు కరోనా వైరస్ బారిన పడకుండా ఉండేందుకు గానూ తీసుకోవలసిన జాగ్రత్తల గురించి వివరించడమే లక్ష్యమన్నారు. ఈ సందర్భంగా స్థానిక రామాలయం వద్ద నిర్వహించిన ఈ అవగాహనా సదస్సులో గ్రామంలో ప్రజలు అరుగులు మీద గుంపులు గుంపులుగా ఉండరాదని, తప్పనిసరిగా ప్రతి ఒక్కరూ తాము గతంలో ఇంటింటికీ పంపిణీ చేసిన మాస్కులును గానీ స్వతహాగా సమకూర్చుకున్న మాస్కులను గానీ ధరించాలన్నారు. భౌతిక దూరం పాటిస్తూ వీలైనంత వరకు మనిషికి మనిషికి మధ్య కొంతదూరం ఉండే విధంగా మసులుకోవడం శ్రేయస్కరమన్నారు. ప్రతి 20 నిమిషాలకోసారి సబ్బుతో చేతులను శుభ్రపరచుకోవాలన్నారు. తుమ్మినా, దగ్గినా చేతి రుమాలును అడ్డు పెట్టుకుంటే మంచిదన్నారు. తరచూ శానిటైజర్లను వినియోగించడం అలవాటు చేసుకోవాలన్నారు. పరిసరాల పరిశుభ్రత అత్యంత ఆవశ్యకమన్నారు. ఇప్పటివరకు నియంత్రణా మందు లేని ఈ వ్యాధికి ప్రజలందరూ కూడా అవగాహన కలిగి ఉండి తగిన జాగ్రత్తలు తీసుకోవడమే సరైన మందు అని వాలంటీర్ రవి తెలియజేశారు. జలుబు, దగ్గు, గొంతునొప్పి, జ్వరం లాంటి లక్షణాలు ఉన్నా, ఇతర కరోనా ప్రభావిత ప్రాంతాల నుండి ఎవరు వచ్చినా వెంటనే తమకు సమాచారం అందించాలని గ్రామస్థులకు విజ్ఞప్తి చేశారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image