గులాబీలతో చంద్రబాబును అభినందించిన కాలేజి విద్యార్ధినులు

గులాబీలతో చంద్రబాబును అభినందించిన కాలేజి విద్యార్ధినులు
-హైటెక్ సిటి రూపశిల్పికి  అభినందనలు
-20ఏళ్లు పూర్తైన సందర్భంగా చంద్రబాబే తమకు స్ఫూర్తి అన్న బాలికలు
గుంటూరు పార్టీ కార్యాలయంలో చంద్రబాబుకు గులాబీల అభినందనలు తెలిపిన కాలేజి విద్యార్ధినులు. హైటెక్ సిటి నిర్మాణం పూర్తై 20ఏళ్లు అయిన సందర్భంగా గులాబీలతో అభినందనలు తెలిపిన  బాలికలు. 
జెకెసి కళాశాల విద్యార్ధినులంతా గుంటూరు పార్టీ కార్యాలయానికి వచ్చి చంద్రబాబుకు శుభాకాంక్షలు తెలిపారు. ''మిమ్మల్ని కలవడం ఎంతో ఆనందంగా ఉంది, మీరే మాకు స్ఫూర్తిగా'' పేర్కొన్న విద్యార్ధినులు. 
చంద్రబాబు మాట్లాడుతూ, ''అమరావతిని హైదరాబాద్ కు ధీటుగా అభివృద్ది చేయాలని ఆకాంక్షించాను. హైటెక్ సిటిని మించిన సిటీలు రాష్ట్రంలో అభివృద్ది చేయాలని అనుకున్నాం. ఇటుక ఇటుక పేర్చి అభివృద్ధి చేశాం. ఇప్పుడు మొత్తం రివర్స్ అయ్యింది. రాష్ట్రాన్ని రివర్స్ చేశారు, అభివృద్ది అంతా తారుమారు అయ్యింది. గత 5ఏళ్లలో వచ్చిన అనేక సంస్థలు ఇప్పుడు వెనక్కి పోతున్నాయి. గవర్నమెంట్ టెర్రరిజం తట్టుకోలేక పోతున్నామని పారిశ్రామిక వేత్తలే పేర్కొంటున్నారు. జాతీయంగా, అంతర్జాతీయంగా ఆంధ్రప్రదేశ్ అప్రదిష్ట పాలు కావడం ఆవేదన కలిగిస్తోంది. అభివృద్ధి ఫలాలు మీకు అందేసరికి అంతా తారుమారైంది. దీనిపై రాష్ట్రంలో యువత ఆలోచించాలి. జరిగిన నష్టాన్ని గుర్తించాలి. భవిష్యత్తుపై ఆశతో ముందడుగేయాలి. కష్టపడి చదవాలి, పట్టుదలగా ముందుకు సాగాలి, అత్యున్నత భవిష్యత్తువైపు అడుగేయాలి, తల్లిదండ్రుల ఆశలను సఫలం చేయాలి'' అని ఆకాంక్షించారు.
చంద్రబాబును కలిసినవారిలో భార్గవి, నాగలక్ష్మి,సుప్రియ,గౌతమి,భవాని,బ్రహ్మణి,మేఘన,ప్రమీల తదితరులు ఉన్నారు.