ముఖ్యమంత్రి జగన్మోహన్ రెడ్డి కి చంద్రబాబు లేఖ

గౌ. శ్రీ వైఎస్ జగన్మోహన్ రెడ్డి గారు,
ఆంధ్రప్రదేశ్ ముఖ్యమంత్రి గారికి,
నమస్కారాలు.
ప్రభుత్వ నిర్వహణ ఎంతో క్లిష్టమైనది, ఎన్నో సవాళ్లతో కూడిన అంశం. నిత్యం అనేక శాఖలపై నిరంతర పర్యవేక్షణ ఉండాలి, అనుక్షణం అప్రమత్తత అవసరం. ఎక్కడెక్కడ ఎప్పుడెప్పుడు ఏం జరుగుతుందో, ఎదురయ్యే అడ్డంకులను ఏవిధంగా అధిగమించాలో కుశాగ్ర బుద్దితో యోచించాలి. సకాలంలో సరైనరీతిలో స్పందించి సమర్ధమైన చర్యలు చేపట్టాలి. పరిపాలనకు అనుభవం ఎంత అక్కరకు వస్తుందో, కార్యదక్షత అంతకుమించి దోహదకారి అవుతుంది.
గత 4 నెలల మీ పాలనలో రాష్ట్రం ఎదుర్కొంటున్న సమస్యలకు, ప్రజలకు ఎదురైన ఇబ్బందులకు, మీ అనుభవ రాహిత్యం, చేతకానితనం, ఆశ్రిత పక్షపాతంతో పాటుగా మీ మూర్ఖత్వం-కక్ష సాధింపు వైఖరే మూలకారణం..
అందుకు తాజాగా ఇంకో ఉదాహరణ ''గ్రామ సచివాలయ ఉద్యోగుల నియామక ప్రవేశ పరీక్షా నిర్వహణ-ఫలితాల్లో జరిగిన అక్రమాలు, అవకతవకలే..'' 
పంచాయితీరాజ్ శాఖ, విద్యాశాఖలకే కాదు, ఆంధ్రప్రదేశ్ పబ్లిక్ సర్వీస్ కమిషన్ (ఏపిపిఎస్ సి)ల ప్రతిష్టకే మాయని మచ్చగా ఈ ప్రవేశ పరీక్ష చెడ్డపేరు తెచ్చింది. రాష్ట్ర ఇమేజిని దెబ్బతీయడమే కాదు, దాదాపు 19లక్షల మంది అభ్యర్ధులను, వారి కుటుంబ సభ్యులకు తీరని వేదన మిగిల్చింది. 
ఉమ్మడి రాష్ట్రంలో, విభజన తరువాత ఆంధ్రప్రదేశ్ సుదీర్ఘ చరిత్రలో ఎన్నో ఎంట్రన్స్ ఎగ్జామ్స్ జరిగాయి, లక్షలాది ఉద్యోగాల ఎంపిక జరిగిందికాని, మున్నెన్నడూ లేనంత అధ్వానంగా, అవినీతిమయంగా, అక్రమాలు-అవకతవకల భూయిష్టంగా ''గ్రామ సచివాలయ ఉద్యోగాల ప్రవేశ పరీక్షలను'' నిర్వహించడం బాధాకరం.
ప్రవేశ పరీక్ష నోటిపికేషన్ జులై 26న వస్తే, సెప్టెంబర్ 1నుంచి 8వ తేది దాకా పరీక్షల ప్రక్రియ ప్రారంభించారు. 19,50,582మంది అభ్యర్ధులు 14కేటగిరీలలో పరీక్షలకు హాజరయ్యారని, మొత్తం ఉద్యోగాలు 1,26,728కిగాను 1,98,164మంది అర్హత సాధించారని, 56రోజుల వ్యవధిలోనే ఈ మొత్తాన్ని పూర్తిచేశామని ఆడంబరంగా ప్రకటించారే తప్ప వాటిలో ఎన్ని అక్రమాలు జరిగాయో, ఎన్ని అవకతవకలు జరిగాయో, ఎంత అధ్వానంగా పరీక్షల నిర్వహణ ఉందో గాలికి వదిలేశారు. దాదాపు 20లక్షల మంది అభ్యర్ధుల ఆశలను పూర్తిగా వమ్ము చేసి గవర్నమెంట్ ఎంట్రన్స్ ఎగ్జామ్ ప్రక్రియకే తీరని కళంకం తెచ్చారు. ఒక్కో ఉద్యోగాన్ని రూ.4లక్షలకు అమ్ముకున్నారనే కథనాలను మీడియాలో చూశాం.
క్వశ్చన్ పేపర్ లీకేజి అదేదో ఫ్యామిలీ ప్యాకేజిగా మారిందని, అయిన వాళ్లకు అందలాలు-కానివాళ్లకు మార్కుల కోతలు, ప్రశ్నాపత్రం టైప్ చేసిన వ్యక్తే పరీక్షలో టాపర్ గా వచ్చిందని, ఏపిపిఎస్ సిలో ఏఎస్ వో తమ్ముడికి ఒక కేటగిరిలో టాప్ ర్యాంకు, ఇంకో కేటగిరిలో 3వ ర్యాంకు వచ్చిందని, వాళ్ల బంధువులు, స్నేహితులకే మంచి మార్కులు సాధించారనే వార్తలే క్వశ్చన్ పేపర్ లీకేజి అయ్యిందనడానికి తిరుగులేని రుజువులు. 'కీ'లో అత్యధిక మార్కులు వచ్చినవాళ్లకు ఫలితాల్లో అరకొరగా మార్కులు రావడం, హెల్ప్ లైన్ కు వందలసార్లు కాల్ చేసినా స్పందన లేదని అభ్యర్ధులే ఆరోపించడం అధ్వాన్న పరీక్షా నిర్వహణకు అద్దం పడుతున్నాయి.
ప్రశ్నాపత్రాలు ఏపిపిఎస్ సి కన్నా ముందే రిటైర్డ్ అధికారికి ఎలా చేరాయి, కమిషన్ కార్యాలయంలో అవుట్ సోర్సింగ్ సిబ్బందికి క్వశ్చన్ పేపర్లు ఎలా అందాయి, ప్రింటర్లకు క్వశ్చన్ పేపర్ మెయిల్ ఎక్కడ నుంచి వెళ్లింది, అవుట్ సోర్సింగ్ సిబ్బందికి, వాళ్ల బంధువులకే టాప్ ర్యాంకులు దక్కడంలో మతలబు ఏమిటి, ఇందులో ఏపిపిఎస్ సి బాధ్యత ఎంత, పంచాయితీరాజ్ మంత్రిత్వశాఖ, విద్యాశాఖల బాధ్యత ఎంత, మీడియాలో వస్తున్న ఈ ప్రశ్నలకు, ఉద్యోగాలు రాక నిలదీస్తున్న అభ్యర్ధులకు, సమాధానం చెప్పాల్సిన బాధ్యత రాష్ట్ర ప్రభుత్వంపైనే ఉంది.
''గ్రామ వాలంటీర్లలో 90% ఉద్యోగాలు మన కార్యకర్తలకే వచ్చాయి, నా దగ్గర వాటికి సంబంధించి లెక్కలన్నీ ఉన్నాయి, గ్రామ సచివాలయ ఉద్యోగాలు కూడా మన కార్యకర్తలకే వచ్చాయి'' అని ఢిల్లీలో రాష్ట్ర ప్రభుత్వ ప్రత్యేక ప్రతినిధి, వైసిపి పార్లమెంటరీ పార్టీ నేత బాహాటంగా ప్రకటించిన వీడియో క్లిప్పింగులే ఈ పరీక్షా నిర్వహణ లోపాలకు, అక్రమాలకు ప్రబల సాక్ష్యం.
''ఇదేదో చిన్న అంశంగా ప్రభుత్వం భావిస్తోంది, ఇవాళ ఇక్కడ ఏం జరుగుతోంది, వేరే రాష్ట్రాల్లో ఇదే జరిగితే ముఖ్యమంత్రులు రాజీనామా చేసిన పరిస్థితి చూశాం'' అని గతంలో మీరే శాసన సభ సాక్షిగా చేసిన ప్రసంగాన్ని మీ దృష్టికి తెస్తున్నాను. జరిగిన దానికి బాధ్యత వహించి గతంలో మీ వ్యాఖ్యల ప్రకారం,  మీరే రాజీనామా చేస్తారో, లేక మీ పంచాయితీరాజ్, విద్యాశాఖ మంత్రులే రాజీనామా చేయాలో మీ విజ్ఞతకే వదిలేస్తున్నాను. 
జరిగిన అవినీతికి-అక్రమాలకు పూర్తి బాధ్యత రాష్ట్ర ప్రభుత్వానిదే. ఈ పరీక్షలను తక్షణమే రద్దు చేయాలి. పారదర్శకంగా మళ్లీ పరీక్షలను నిర్వహించాలి. అర్హులైన వారికే ఉద్యోగాలు దక్కేలా చూడాలని విజ్ఞప్తి చేస్తున్నాను. ఈ పాపానికి బాధ్యులైన వారిపై తక్షణమే కఠిన చర్యలు తీసుకోవాలి, క్రిమినల్ కేసులు నమోదు చేయాలని డిమాండ్ చేస్తున్నాను.  
(నారా చంద్రబాబు నాయుడు)
శాసన సభ ప్రధాన ప్రతిపక్ష నేత


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image