ఎన్నో ఉద్యమాలకు నాయకత్వం వహించిన ఘన చరిత్ర ఎస్టీయూ సొంతం

ఎన్నో ఉద్యమాలకు నాయకత్వం వహించిన ఘన చరిత్ర ఎస్టీయూ సొంతం.
ఎస్టీయూ జిల్లా ఆర్థిక కార్యదర్శి-కొండూరు. రమేష్ బాబు.
     ఉపాద్యాయ,విద్యారంగ సమస్యల పరిష్కారంలో ఎస్టీయూ ఎల్లప్పుడూ ముందుంటుందని,అప్రంటీస్ విధానం రద్దుతోపాటు నేడు ఉపాద్యాయులకు ఉన్న అన్ని రకాల సౌకర్యాల సాధనలో ఎస్టీయూ కృషి ఉన్నదని ఎస్టీయూ జిల్లా ఆర్థిక కార్యదర్శి కొండూరు. రమేష్ బాబు పేర్కొన్నారు.ఎస్టీయూ సభ్యత్వ నమోదు కార్యక్రమంలో భాగంగా ఎస్టీయూ బాలాయపల్లి మండల శాఖ అద్యక్ష,ప్రధాన కార్యదర్శులు వై.బుచ్చి పోతులూరు,పీ.కిరణ్ కుమార్ ఆధ్వర్యంలో ఆయన బాలాయపల్లి మండలంలోని బాలాయపల్లి,వెంగమాంబాపురం,జయంపు,పిగిలాం ఉన్నత పాఠశాలలతోపాటు కయ్యూరు, వేణుగోపాలపురం,అరిగేపల్లి, జార్లపాడు, హస్తకావేరి, పాకపూడి తదితర పాఠశాలలలో సభ్యత్వ నమోదు చేపట్టారు. ఈ సందర్భంగా రమేష్ బాబు విలేకరులతో మాట్లాడుతూ డెబ్భై మూడేళ్ళ ఉద్యమ చరిత్రలో అప్రంటీస్ విధానం రద్దుతోపాటు ఉపాద్యాయులకు అనేక సౌకర్యాలు కల్పించడంలో ఎస్టీయూ అనేక పోరాటాలు చేసిందని,విద్యారంగ-ఉపాద్యాయుల సంక్షేమంలో ఎస్టీయూ ఎల్లప్పుడూ ముందుండి  నడిపిస్తుందని తెలిపారు.ప్రభుత్వ శాఖల అన్నింటికీ బదిలీలు చేపట్టిన ప్రభుత్వం ఉపాద్యాయుల బదిలీలను విస్మరించడం తగదని,2018 డియస్సీ నియామకాలు వెంటనే చేపట్టాలని,11వ పీఆర్సీ నివేదికను వెంటనే అమలు చేయాలని, అమ్మఒడి పథకాన్ని కేవలం ప్రభుత్వ పాఠశాలలకు మాత్రమే వర్తింప చేయాలని,గత ప్రభుత్వం జీఓ నంబర్ 21ద్వారా మంజూరు చేసిన మూడు నెలల 20 శాతం మధ్యంతర భృతిని వెంటనే విడుదల చేయాలని, పెండింగులో ఉన్న మూడు విడతల కరువు భత్యాలను మంజూరు చేయాలని ఆయన ప్రభుత్వాన్ని డిమాండ్ చేశారు. సదరు సభ్యత్వ నమోదు కార్యక్రమంలో పాల్గొన్న ఎస్టీయూ జిల్లా అద్యక్షులు తాళ్ళూరు. శ్రీనివాసులు నాయుడు మాట్లాడుతూ వచ్చే విద్యాసంవత్సరం నుంచి ఇంగ్లీష్ మాద్యమంతోపాటు తెలుగు మాద్యమాన్ని కూడా సమాంతరంగా కొనసాగించాలని,పన్నెండు సంవత్సరాల సర్వీసు కలిగిన ప్రతి సెకండరీ గ్రేట్ ఉపాద్యాయునికి ఆటోమేటిక్ గా స్కూల్ అసిస్టెంట్ గా పధోన్నతి కల్పించాలని, ప్రతి ప్రాధమిక పాఠశాలకు ఒక పీ.ఎస్.హెచ్.ఎం పోస్ట్ మంజూరు చేయాలని  ప్రభుత్వాన్ని డిమాండ్ చేశారు. ఈసభ్యత్వ కార్యక్రమంలో నాయకులు రామమోహన్ రెడ్డి పీ.వీ.రత్నయ్య,సర్వేశ్వరరావు, చెంచురత్నయ్య,సునీల్ తదితరులు పాల్గొన్నారు.


Popular posts
తెలుగు భాషను కాపాడుకోవడం మనందరి కర్తవ్యం
జర్నలిస్ట్ మిత్రులకు మేడే శుభాకాంక్షలు.: మాణిక్యరావు కె. రాష్ట్ర ఉపాధ్యక్షులు.. APUWJ...
Image
పాత్రికేయులు చెన్నక్రిష్ణారెడ్డి  నిన్న రాత్రి స్వర్గస్తులైనారు.
పేదలకు ఇళ్ల స్థలాల కేటాయింపు విషయంలో అనవసర నిబంధనలను పక్కన పెడతాం
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image