ధరల నియంత్రణ దిశగా తహసీల్ధారు తనిఖీలు

ధరల నియంత్రణ దిశగా తహసీల్ధారు తనిఖీలు వింజమూరు, ఏప్రిల్ 23 (అంతిమ తీర్పు-దయాకర్ రెడ్డి): వింజమూరులోని కిరాణా దుకాణాల వద్ద గురువారం ఉదయం తహసిల్ధారు సుధాకర్ రావు విస్తృతంగా పరిశీలనలు చేశారు. వస్తువుల ధరలు గురించి ఆరా తీశారు. ఎట్టి పరిస్థితులలోనూ వస్తువులకు కృత్రిమ కొరతను సృష్టించడం గానీ, అధిక ధరలకు విక్రయించడం గానీ చేయరాదని దుకాణాదారులకు సూచించారు. లాక్ డౌన్ ప్రకటించిన గత నెల మొదటి రోజు నుండి కూడా తహసీల్ధారు సుధాకర్ రావు ప్రధానంగా నిత్యావసర వస్తువుల వస్తువుల ధరలపై దృష్టి సారించారు. అందులో భాగంగా కూరగాయలు, కిరాణా కొట్లు దుకాణాదారులతో అప్పట్లోనే సమావేశాలు నిర్వహించి దుకాణాల ముందు భాగంలో ధరల పట్టికల బోర్డులను ఏర్పాటు చేయించారు. ప్రభుత్వం నిర్ణయించిన ధరలకే వస్తువులను వినియోగదారులకు విక్రయించాలని స్పష్టమైన ఆదేశాలు కూడా జారీ చేసి ఉన్నారు. ఈ నేపధ్యంలో ప్రతిరోజూ ఉదయం తహసిల్ధారు నిత్యావసర సరుకుల దుకాణాలను పరిశీలిస్తూ కొనుగోలు దారులను ధరల విషయమై అడుగుతూ వారి స్పందనను బట్టి ముందుకు సాగుతున్నారు. ఏ మాత్రం కృత్రిమ కొరత సృష్టించినా, ధరలు పెంచినా ఊరుకునేది లేదని హెచ్చరికలు జారీ చేస్తూ ధరల నియంత్రణకు గట్టి చర్యలు చేపడుతున్నారు.


Popular posts
90 సంవత్సరాలు పూర్తి చేసుకున్న నెల్లూరు జిల్లాలో రెండవసారి మహాత్ముని పర్యటన
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
21వ శతాబ్దం మనదే...మోదీ
Image
బాలల దినోత్సవ సందర్భంగా    వాసవి క్లబ్    ఆధ్వర్యంలో.నోట్ బుక్స్ పంపిణీ..
Image
దీప దానం ఎలా చేయాలి* *****, *ఎప్పుడు చేయాలి*