విజయవాడకు పంజాబ్ నుంచి వ‌చ్చే విద్యార్థుల కోసం రైల్వేస్టేష‌న్‌లో ఏర్పాట్లు

*పంజాబ్ నుంచి వ‌చ్చే విద్యార్థుల కోసం రైల్వేస్టేష‌న్‌లో ఏర్పాట్లు


*ప‌రిశీలించిన జేసి మాధ‌వీల‌త*


*విజ‌య‌వాడ‌* : పంజాబ్ రాష్ట్రం నుంచి విజ‌య‌వాడ న‌గ‌రానికి వ‌చ్చే విద్యార్థుల కోసం రైల్వేస్టేష‌న్‌లో ప్ర‌త్యేక ఏర్పాట్లు చేస్తున్నామ‌ని కృష్ణా జిల్లా జాయింట్ కలెక్టర్ డాక్ట‌ర్ కె.మాధవీలత తెలిపారు. ఇత‌ర రాష్ట్రాల నుండి గురు, శుక్ర‌వారాల్లో ప్ర‌త్యేక రైళ్ల ద్వారా ఆంధ్ర‌ప్ర‌దేశ్‌కు చెందిన వారు రాక సంద‌ర్భంగా విజ‌య‌వాడ రైల్వేస్టేష‌న్‌లో చేస్తున్న ఏర్పాట్ల‌ను ఆమె విజయవాడ సబ్ కలెక్టర్ హెచ్.ఎం.ధ్యానచంద్ర, డిఆర్ఎం పి.శ్రీనివాసరావు, సీనియ‌ర్ డీఆర్ఎం పి.భాస్క‌ర్‌రెడ్డి, విజ‌య‌వాడ స్టేష‌న్ డైరెక్ట‌ర్ త‌దిత‌రుల‌తో క‌లిసి బుధవారం సాయంత్రం ప‌రిశీలించారు. ‌రైల్వే, పోలీస్ తదితర శాఖల అధికారులు కూడా ఈ కార్య‌క్ర‌మంలో పాల్గొన్నారు. ఈ సంద‌ర్భంగా ఏర్పాట్ల‌ను ప‌‌రిశీలించిన ‌జాయింట్ కలెక్టర్ మాధ‌వీల‌త మాట్లాడుతూ గురువారం ఢిల్లీ నుండి చెన్నై వెళ్లే రైలు విజయవాడకు రానుంద‌ని అందులో సుమారు 250 మంది మన రాష్ట్రానికి చెందిన వివిధ జిల్లా వాసులు ఉన్నారన్నారు. వారు న‌గ‌రానికి చేరుకున్న అనంత‌రం వారందకి థర్మల్ స్క్రీనింగ్ నిర్వహించి ఆయా జిల్లాల వారీగా కేటాయించిన బస్సుల్లో తిరిగి  పంపడం జరుగుతుందన్నారు. అదేవిధంగా కృష్ణాజిల్లాకు చెందిన వారిని క్వారంటైన్ కేంద్రానికి పంపిస్తామ‌ని తెలిపారు. అక్కడ వారికి కరోనా వ్యాధి నిర్ధారణ పరీక్షలు నిర్వహించి తదుపరి చర్యలు తీసుకోవడం జరుగుతుందన్నారు. అదేవిధంగా శుక్రవారం చెన్నై నుండి ఢిల్లీకి వెళ్లే రైలు రానుంద‌ని అందులో వచ్చే మన రాష్ట్రానికి చెందిన వారికి ఇదే తరహాలో ఏర్పాట్లు చేయడం జరుగుతుందని ఆమె పేర్కొన్నారు. అలాగే జలంధర్ నుండి బయలుదేరే రైలులో లౌలీ ప్రొఫిషనల్ యూనివర్శిటీలో విద్య‌ను అభ్య‌సిస్తున్న 1041 మంది విద్యార్ధులు ప్రత్యేక ట్రైన్‌లో గురువారం రాత్రికి జిల్లాకు చేరుకుంటారని, ఈ ట్రైన్ రాయనపాడు లేదా విజయవాడ రైల్వేస్టేషన్‌కు గాని వస్తుంద‌ని ఆ సమాచారం రావాల్సి ఉందన్నారు. అందుకు తగిన ఏర్పాట్లు కూడా చేస్తున్న‌ట్లు తెలిపారు. ఆయా విద్యార్ధులు ఏ జిల్లాలకు చెందినవారో గుర్తించి ఆయా జిల్లాల వారీగా బస్సుల్లో పంపిస్తామ‌న్నారు. కృష్ణా జిల్లాకు చెందిన విద్యార్ధులను క్వారంటైన్ కేంద్రంలో ఉంచి అవసరమైన వైద్య పరీక్షలు నిర్వహించడం జరుగుతుందని తెలిపారు. విజయవాడకు చేరుకునే ప్రతి ఒక్కరికి కచ్చితంగా థర్మల్ స్కానింగ్ నిర్వహించి తదుపరి వైద్య పరీక్షలు కూడా నిర్వహిస్తామ‌ని చెప్పారు. ఇందుకు సంబంధించి రైల్వే, పోలీస్ శాఖ‌లు ఈ ఏర్పాటుకు నిర్దేశించిన జిల్లా అధికారులు సమన్వయం చేసుకోవాలని సూచించారు. జిల్లా నుండి ఇంతవరకూ ఆయా రాష్ట్రాలకు చెందిన 6,200 మందిని ప్రత్యేక రైళ్లు ద్వారా వారి స్వస్థ‌లాల‌కు పంపడం జరిగిందన్నారు. కార్య‌క్ర‌మంలో ఆర్టీసీ ఆర్ఎం ఎం.నాగేంద్రబాబు, డ్వామా పిడి సూర్యనారాయణ, మెప్మా పిడి డాక్ట‌ర్  ఎన్.సూర్యప్రకాష్, విజయవాడ సెంట్రల్ తహసీల్దార్ జయశ్రీ, ఏసీపీ సెంట్రల్ విఎసిం అదనపు వైద్యాధికారి, బి.సి కార్పొరేషన్ ఈడి తదితరులు ఉన్నారు.


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
బలోపేతానికి చారిత్రక ప్రణాళిక రూపొందించిన ఏపీ ప్రభుత్వం
Image