*ఆశా వర్కర్ల డిమాండ్లు పరిష్కరించాలి* పల్లాపు. అరుణ.... వింజమూరు, ఆగష్టు 25 (అంతిమ తీర్పు- దయాకర్ రెడ్డి): రెగ్యులరైజ్, చట్టబద్దమైన సౌకర్యాల కల్పనకు ప్రభుత్వం తమ పట్ల దృష్టి సారించాలని మండల ఆశా వర్కర్ల సంఘం యూనియన్ అధ్యక్షురాలు పల్లాపు. అరుణ కోరారు. అలుపెరగని విధి నిర్వహణలో భాగంగా అభద్రతా భావంతో పనిచేయాల్సిన దుర్బర పరిస్థితులు ఆశా వర్కర్లను వెన్నంటి వేధిస్తున్నాయని అరుణ ఆవేదన వ్యక్తం చేశారు. 3 సంవత్సరాల (2018-19, 2019-20, 2020-21) యూనిఫాం వెంటనే ఇవ్వాలని డిమాండ్ చేశారు. కేంద్ర ప్రభుత్వం ప్రకటించిన నెలకు 1000 రూపాయలు జనవరి నుండి జూన్ వరకు చెల్లించాలని కోరారు. రిటైర్మెంట్ బెనిఫిట్స్ కల్పించిన తర్వాతే ఆశాలను రిటైర్మెంట్ చేయాలని, లక్ష రూపాయల ఎక్స్ గ్రేషియా సగం పెన్షన్ ఇవ్వాలన్నారు. పర్మినెంట్ పోస్టుల భర్తీలో ఆశాలకు వెయిటేజ్ ఇవ్వడంతో పాటు సం క్షేమ పధకాలు ఆశా వర్కర్లకు వర్తింపజేయాలని ప్రభుత్వానికి సూచించారు. లాక్ డౌన్ వల్ల ఉపాధి కోల్పోయిన ప్రతి కుటుంబానికి నెలకు 7,500 రూపాయలు, ఒక్కొక్కరికి నెలకు 10 కిలోల బియ్యం 6 నెలల వరకు సరఫరా చేయాలన్నారు. అంతేగాక ప్రస్తుత కరోనా కాలంలో ఆశా వర్కర్లు ప్రాణాలను సైతం పణంగా పెట్టి రెడ్ జోన్స్, ల్యాబ్స్, క్వారంటైన్స్, ఆసుపత్రులలో డ్యూటీలు చేయడం జరిగిందన్నారు. విధుల్లో ఉన్నవారందరికీ పి.పి.ఇ కిట్లు అందజేయాల్సిన ఆవశ్యకత ఎంతైనా ఉందన్నారు. కోవిడ్-19 డ్యూటీ ప్రత్యేక అలవెన్స్ 10,000 ఇవ్వాలని ప్రభుత్వాన్ని డిమాండ్ చేశారు. ఆశా వర్కర్లకు 95 మాస్కులు, గ్లౌజులు, శానిటైజర్లు అవసరమైన మేరకు అందజేయాలన్నారు. మార్చి 15 తర్వాత మరణించిన ఆశాలకు భీమా సౌకర్యం కల్పించాలని, వారి కుటుంబంలో ఒకరికి ఆశా ఉద్యోగమివ్వాలని, కోవిడ్-19 వ్యాక్సిన్ వచ్చేంత వరకు భీమా కాలాన్ని పొడిగించాలన్నారు. సెల్ ఫోన్స్ ప్రభుత్వమే ఇవ్వాలని, ఫోన్లు కొనాలనే అధికారుల వేధింపులు ఆపాలన్నారు. రాష్ట్రంలోని ఆశా వర్కర్లకు పని భధ్రత, పని గంటలు, సెలవులు లేవన్నారు. ప్రమాదం జరిగితే భీమా సౌకర్యం లేదని, మెటర్నిటీ సౌకర్యం లేదన్నారు. ఈ.ఎస్.ఐ, పిఎఫ్ లేదని, అనారోగ్యం పాలయితే వైద్య సౌకర్యాలు గగనమని, ఇలా చెప్పుకుంటూ పోతే ఏ రకమైన సౌకర్యాలు లేకుండానే ఆశాలు పని చేస్తున్నారన్నారు. కనుక ప్రభుత్వం వెంటనే తమను ఆదుకోవాలని పల్లాపు. అరుణ విజ్ఞప్తి చేశారు.


Popular posts
చంద్రబాబూ రాజకీయాలనుంచి తప్పుకో.నీ మైండ్‌ కరప్ట్‌ అయింది.
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
మిత్ర ఫౌండేషన్ చారిటబుల్ ట్రస్ట్ ఆధ్వర్యంలో బియ్యం పంపిణీ..